Isaia 37:28 - Sesotho 1909/1961 (SO)

²⁸ Empa ke tseba ho dula ha hao, le ho tswa ha hao, le ho kena ha hao, le kamoo o nthorelang kateng.

BIBELE

²⁸ “Feela ke tseba leaho la hao, ke tseba mesebetsi ya hao le ho mpurumela ha hao.

Isaia 37:28 ပူးပေါင်းရင်းမြစ်များ

2 Samuele 3:25

O a mo tseba Abnere, mora Nere; o tlile ho o thetsa feela, le ho tseba ho tswa ha hao le ho kena ha hao, le ho tseba tsohle tse etswang ke wena.

Diproverbia 15:3

Mahlo a Jehova a dinqalong tsohle, a qamaka ba babe le ba batle.

Diproverbia 5:21

Hobane metsamao ya motho e pontsheng ho Jehova; ke yena ya lekolang mehlala ya hae yohle.

Jeremia 48:30

Ke tseba bohale ba hae, ho bolela Jehova, le bosawana ba boithoriso ba hae; ke lefeela.

Tshenolo 2:13

Ke tseba mesebetsi ya hao, le moo o ahileng teng, e leng moo Satane a nang le terone ya hae teng; ke tseba le hobane o tiisitse lebitso la ka; mme ha o a ka wa latola tumelo ya hao ho nna, leha e le mohla Antipase, paki ya ka e tshepehang, a bolawang hara lona, moo Satane a ahileng teng.

1 Samuele 29:6

Ebile Akishe o bitsa Davida, a re ho yena: Ka Jehova ya utlwang, o bile motho ya lokileng; ke rata ha ke o bona o kena le ho tswa le nna diahelong, hobane ha ke eso ho fihlele molato ho wena, haesale o etla ho nna, ho fihlela la kajeno; empa marena ha a o rate.