Isaia 36:21 - Sesotho 1909/1961 (SO)

²¹ Empa ba kgutsa; ha ba ka ba mo fetola letho, hobane taelo ya morena e ne e itse: Le se ke la mo fetola.

BIBELE

²¹ Empa setjhaba sa kgutsa tu! sa se ke sa mo araba, hobane taelo ya kgosi e ne e itse: “Le se ke la mo araba!”

Isaia 36:21 ပူးပေါင်းရင်းမြစ်များ

2 Marena 18:26

Ebile Eliakime, mora Hilkia, le Shebna le Jowa ba re ho Rabshake: O ke o bue le rona bahlanka ba hao ka Sesiria, hobane re a se utlwa; o se ke wa bua le rona ka Sejuda, tsebeng tsa batho ba hodima lerako.

2 Marena 18:37

Ebile Eliakime, mora Hilkia, molotolotsi wa ntlo ya borena, le Shebna mongodi, le Jowa, mora Asafe, mmoloki wa mangolo a mmuso, ba tla ho Esekiase, ba hahotse diaparo tsa bona, ba mo tsebisa mantswe a Rabshake.

Dipesaleme 39:1

Ke ne ke itse: Ke tla fadimehela ditsela tsa ka, ke tle ke se ke ka seba ka leleme la ka; ke tla bea sethibelo molomong wa ka, ha e mobe a sa ntse a le pela ka.

Diproverbia 26:4

O se ke wa fetola lehlanya ka bohlanya ba lona, esere mohlomong le wena wa tshwana le lona.

Amose 5:13

Ka baka leo, mehleng ena ya bohlale o a ikgutsetsa, hobane ke mehla e mebe.

Mattheu 7:6

Se neeng dintja dintho tse halalelang, le se ke la lahlela diperela tsa lona pela dikolobe, esere mohlomong tsa di hatakela ka maoto, tsa ntoo sokolohela ho lona, tsa le harola.