Isaia 33:11 - Sesotho 1909/1961 (SO)

¹¹ Le emotse jwang, mme le tla beleha mooko; phefumoloho ya lona e tla hotetsa mollo, o le tjhese.

BIBELE

¹¹ Le emotse mmoko, le tla tswala ditlhaka, ho phefumoloha ha lona ke mollo o tla le timetsa.

Isaia 33:11 ပူးပေါင်းရင်းမြစ်များ

Jobo 15:35

O emola maswabi, o tswala bokgopo; sefubeng sa hae ho sebetswa boithetso.

Dipesaleme 2:1

Na ditjhaba di dumadumelang, mme batho ba rerelang tsa lefeela?

Dipesaleme 7:14

Bonang, e mobe o na be a emotse bobe feela, a bo emere sefubeng, mme o tswetse thetso.

Dipesaleme 7:15

O na be a tjhekile lemena, a le fatile, empa o wetse lemeneng leo a le tjhekileng.

Isaia 1:31

Morui o tla fetoha twala, mosebetsi wa hae e be hlase ya mollo, ba tla tjha hammoho, ya ba timang o tla hlokahala.

Isaia 17:13

Ditjhaba di duma jwalokaha ho duma metsi a mangata. Empa Modimo o a di kgalemela, di balehela hole, di lelekiswa jwaloka mooko wa dithaba ha moya o foka, le jwaloka lerole pela sefefo.

Isaia 26:18

Re ne re emotse, ra ba ra ba matswalong, empa pelehi ya rona e ntshitse moya feela. Poloko ya naha ha e a ka ya hlaha ka rona, mme ba neng ba ka aha lefatsheng ha ba ka ba hlaha.

Isaia 5:24

Ka baka leo, jwaloka malakabe a mollo ha a eja ditlhaka, le kgabo ha e tjhesa hlaha, motso wa bona o tla bola, o fele jwalo, le palesa ya bona e tla foforeha jwaloka lerole, hobane ba nyatsitse molao wa Jehova wa makgotla, ba nyedisitse lentswe la Mohalaledi wa Iseraele.

Isaia 59:4

Ha ho ya pakang ho loka, ha ho ya emelang nnete; ho tshepuwa lefeela, ho bolelwa leshano; ba emola bolotsana, mme ba tswala bokgopo.

Isaia 9:17

Ka baka leo, Morena a ke ke a kgahliswa ke ba batjha ba sona, a ke ke a hauhela dikgutsana le bahlolohadi ba sona, etswe e le ba kgopo le ba bolotsana kaofela ha bona, mme molomo wa e mong le e mong o bua dinyefolo feela. Ha ho le jwalo, bohale ba hae bo ke ke ba kgutla, le letsoho la hae le sa ntse le otlolohile.

Diketso 5:4

Ha ke re, tshimo leha e be e ituletse, e ne e le ya hao? mme leha o ne o rekile ka yona, theko ya yona e ne e sa ntse e le ya hao na? Ho ile kang ha o hopotse taba eo pelong ya hao? Leshano leo ha o a le etsa ho batho, empa o le entse ho Modimo.

Jakobo 1:15

Mme takatso hoba e emare, e tswala sebe; mme sebe ha se phethehile, se tswala lefu.