Isaia 10:28 - Sesotho 1909/1961 (SO)

²⁸ Jo! Assiria o se a le Ajathe, o feta ka Migrone, o siya diphahlo tsa hae Mikmashe.

BIBELE

²⁸ Sera se hapile Aiata, sa pholletsa hara Migerone, sa boloka thoto ya sona Mikemase.

Isaia 10:28 ပူးပေါင်းရင်းမြစ်များ

Nehemia 11:31

Haele bana ba Benjamine, ba aha ho tloha Geba, le Mikmashe, le Aija, le Bethele le metseng ya teng,

Isaia 8:8

E tla haola ka naha ya Juda, e phahame, e tswele kantle, metsi a yona a be a fihle molaleng, e otlolle mapheo a yona, e kwahele bophara bohle ba naha ya hao, Emmanuele.

Mikea 1:9

Hobane maqeba a wona Samaria a mabe, kotsi ya wona e bile e hlahetse Juda; e fihlile monyako wa setjhaba sa ka, ke ho re, Jerusalema.

Joshua 7:2

Joshua ha a le Jeriko, a romela banna Ai, e haufi le Beth-Avene, ka nqa botjha-bela ho Bethele, a ba bolella, a re: Eyang le hlwele lefatshe. Banna bao ba ya, ba hlwela Ai.

Baahlodi 18:21

Ba ntoo tloha, ba ikela; ba etelletsa bana pele, le mehlape, le diphahlo.

1 Samuele 13:2

Saule a ikgethela kete tse tharo tsa Baiseraele; kete tse pedi tsa dula ho Saule, Mikmashe, le thabeng ya Bethele, se seng sa dula ho Jonathane, Gibea wa Benjamine; haele ba setseng ba setjhaba, a ba kgutlisetsa e mong le e mong tenteng ya hae.

1 Samuele 13:23

Mohlang oo, ba qhobosheaneng ya Bafilesta ba tswela lekgalong la Mikmashe.

1 Samuele 13:5

Haele Bafilesta, ba phutheha ho futuhela Iseraele ka dikete tse mashome a mararo tsa makoloi, le kete tse tsheletseng tsa bapalami, le ka setjhaba se ka ka lehlabathe le lebopong la lewatle. Ba tla, ba emisa Mikmashe, ka botjhabatsatsi ho Bethe-Avene.

1 Samuele 14:2

Haele Saule, o ne a ntse a dutse pheletsong ya Gibea, tlasa sefate sa garanata, se leng Migrone, setjhaba se dutseng ho yena e batla e le batho ba makgolo a tsheletseng.

1 Samuele 14:31

Tsatsing leo, ba bolaya Bafilesta ho tloha Mikmashe, ho ya fihla Ajalone, empa setjhaba se ne se kgathetse haholo.

1 Samuele 14:5

Ntlha ya le leng e ne e tadimile leboya, malokana le Mikmashe, ya la bobedi e ne e tadimile borwa, malokana le Gibea.

1 Samuele 17:22

Davida a siya phahlo ya hae matsohong a molebedi wa phahlo, a titimela ntweng; a fihla, a dumedisa banababo.