Genese 46:12 - Sesotho 1909/1961 (SO)

¹² Bara ba Juda: Ere, le Onane, le Shela, le Peretse, le Sera. Empa Ere le Onane ba ne ba shwele naheng ya Kanana. Bara ba Peretse e ne e le Hetsrone, le Hamule.

BIBELE

¹² Bara ba Juda: Ere, le Onane, le Shela, le Perese, le Sera. Ere le Onane ba ile ba shwela naheng ya Kanana. Bara ba Perese e ne e le Heserone le Hamule.

Genese 46:12 ပူးပေါင်းရင်းမြစ်များ

Genese 29:35

A ba a emola hape, a tswala mora, a re: Kajeno, ke tla boka Jehova. Ka baka lena, a mo rea lebitso la Juda (poko ya Jehova). Yaba o dula ho beleha.

Genese 38:10

Seo a neng a se etsa, sa eba sebe mahlong a Jehova, mme a mmolaya le yena.

Genese 38:4

A boela a emola, a tswala mora, mme a mo rea lebitso la Onane.

Genese 38:5

A boela a tswala mora hape, a mo rea lebitso la Shela. Juda o ne a le Kesibe, ha eo a tswalwa.

Genese 38:7

Ere, mora wa letsibolo wa Juda, e ne e le motho e mobe mahlong a Jehova, mme Jehova a mmolaya.

Genese 46:11

Bara ba Levi: Gershone, Kehathe, le Merari.

Genese 46:13

Bara ba Issaskare: Thola le Puva, le Jobo, le Shimrone.

1 Dikronike 2:1

Bana ke bara ba Iseraele: Ke Rubene, Simeone, Levi, Juda, Issaskare, Sabulone,

1 Dikronike 3:1

Bara ba Davida, bao a ba tswaletsweng a le Hebrone ke bana: Wa letsibolo ke Amnone wa Akinoame wa Jisreele; wa bobedi ke Daniele wa Abigaile wa Karmele;

1 Dikronike 4:1

Bara ba Juda ke Peretse, Hetsrone, Karmi, Hure, le Shobale.

1 Dikronike 4:21

Bara ba Shela, mora Juda, ke Ere ntata Leka, le Laeda ntata Maresha, le masika a ba neng ba sebetsa masela a lene, e le ba ntlo ya Ashbea,

1 Dikronike 5:2

Hobane ke Juda ya ileng a feta banababo, mme ke ho yena ho tswileng morena; leha ho le jwalo, ditokelo tsa boholo ba ho tswalwa e ne e le tsa Josefa.

1 Dikronike 9:4

e leng Uthai, mora Ammihude, mora Omri, mora Imri, mora Bani, wa bara ba Peretse, mora Juda.

1 Dikronike 9:6

ho bara ba Sera, ke Jeuele le banababo, e leng batho ba makgolo a tsheletseng a mashome a robileng mono o le mong.

Nehemia 11:24

Phethahia, mora Meshesabeele, wa bara ba Sera, mora Juda, o ne a beilwe ke morena ho ela ditaba tsohle tsa setjhaba hloko.

Dipesaleme 78:68

empa a kgetha leloko la Juda le thaba ya Sione eo a e ratang.

Numere 1:7

ho la Juda, Nasone, mora Amminadabe;

Deuteronoma 33:7

Hlohonolofatso ya Juda ke ena: Moshe a re: Jehova, utlwa lentswe la Juda, o mo ise setjhabeng sa hae; matsoho a hae a mo lwanele, mme o be thuso ya hae ho lwantsha dira tsa hae.

BaHebheru 7:14

hobane ho tsejwa hoba Morena wa rona o hlahile lelokong la Juda, e leng leo Moshe a sa kang a le abela boprista.

Tshenolo 5:5

Yaba e mong wa baholo o re ho nna: Se lle; bona, tau ya leloko la Juda, lehlomela la Davida, e hlotse, e tle e tsebe ho phetla buka le ho manolla ditiiso tse supileng tsa yona.

Baahlodi 1:2

Jehova a araba, a re: Ho futuhe Juda; bonang, ke neetse lefatshe matsohong a hae.

Ruthe 4:12

Ntlo ya hao e be jwaloka ntlo ya Peretse, eo Tamare a mo tswaletseng Juda, ka bana bao Jehova a tla o nea bona ka morwetsana eo!