Genese 19:31 - Sesotho 1909/1961 (SO)

³¹ Yaba moradi wa hae e moholo o re ho moenae: Ntata rona o tsofetse, mme ha ho monna lefatsheng ya ka tlang ho rona ka mokgwa wa lefatshe lohle.

BIBELE

³¹ Moradi e moholo a re ho e monyenyane: “Ntata rona o se a tsofetse, mme ha ho na monna lefatsheng ya ka kenang dikobong tsa rona ka mokgwa wa batho ba lefatshe lohle.

Genese 19:31 ပူးပေါင်းရင်းမြစ်များ

Genese 16:2

Sarai a re ho Abrame: Bona hle, Jehova o ntlhokisitse pelehi; ako kene ho lekgabunyane la ka, ekaba ke tla fuwa bana ka yena. Abrame a dumela lentswe la Sarai.

Genese 16:4

Abrame a kena ho Agare, mme a emola; mme eitse ha a bona hoba o emotse, mofumahadi wa hae a nyediseha mahlong a hae.

Genese 19:28

A isa mahlo nqa Sodoma le Gomora, le nqa naheng yohle ya lehwatata, a tadima, mme bonang, mosi wa naha eo o ne o nyoloha jwaloka mosi wa sebopi.

Genese 4:1

Yaba Adama o tseba Eva, mosadi wa hae, mme a emola, a tswala Kaine, a re: Ke itswaletse monna ka thuso ya Jehova.

Genese 6:4

Ho ne ho le difontwane tsa batho lefatsheng mehleng eo, hobane bara ba Modimo ba tle ho baradi ba batho, mme ba ba tswalle bana; ke tsona dinatla tsa boholoholo, tse mabitso a tumileng.

Isaia 4:1

Mehleng eo, basadi ba supileng ba tla itshwarella ka monna a le mong, ba re ho yena: Re tla ja bohobe ba rona, re ikapese ka dikobo tsa rona; feela re bitswe ka lebitso la hao, o tlose nyatso ya rona.

Mareka 9:6

Hobane o ne a sa tsebe seo a se bolelang, etswe ba ne ba tshohile haholo.

Deuteronoma 25:5

Etlere ha bana ba motho a le mong ba ahile hammoho, mme e mong wa bona a eshwa a se na mora, mosadi wa mofu a se ke a nyalwa kantle ke monna osele, empa ngwanabo monna wa hae a tle ho yena, a mo nke ho mo etsa mosadi wa hae, mme a etse ho yena se tshwanelang ngwanabo monna ya shweleng.