Ezekiele 45:22 - Sesotho 1909/1961 (SO)

²² Tsatsing leo, morena o tla itlhabela yena le ho hlabela setjhaba sohle sa lefatshe poho ka mokgwa wa sehlabelo sa sebe.

BIBELE

²² Ka lona letsatsi leo, kgosana e tla nka pohwana, e iketsetse nyehelo e tlosang sebe, e be e etsetse le setjhaba sohle sa naha.

Ezekiele 45:22 ပူးပေါင်းရင်းမြစ်များ

Ezekiele 46:4

Setjheso se tla hlahiswa ke morena pela Jehova ka tsatsi la Sabatha e tla ba dikonyana tse tsheletseng tse hlokang sekodi, le pheleu e se nang sekodi.

Levitike 16:5

O tla newa ke phutheho ya bana ba Iseraele diphooko tse pedi ho etsa sehlabelo sa sebe, le pheleu ho etsa setjheso.

Levitike 4:13

Ha ekaba ke phutheho ya Iseraele kaofela e wetseng sebeng ka ho se tsebe le ka ho se lemohe, e tlotse o mong wa melao ya Jehova, ka ho etsa tse sa tshwanelang ho etswa, mme ho entswe molato:

Levitike 4:14

etlare ha sebe se entsweng se lemohuwa, phutheho e tla hlahisa pohwana bakeng sa sebe, mme e tla tliswa pela tente ya pokano.

Levitike 4:21

Poho e tla thothelwa kantle ho diahelo, mme e tla tjheswa, jwalokaha ho tjhesitswe poho ya pele: ke sona sehlabelo sa sebe sa phutheho.

Mattheu 20:28

jwaloka Mora motho, ya sa kang a tlela ho sebeletswa, empa e le ho sebeletsa le ho neela bophelo ba hae ho ba topollo ya ba bangata.

2 Bakorinthe 5:21

Hobane ya sa kang a tseba sebe, Modimo o mo entse sebe ka baka la rona, re tle re bewe ka yena ba lokileng pela Modimo.