Ezekiele 43:1 - Sesotho 1909/1961 (SO)

¹ Yaba o ntlisa monyakong, monyakong o lebileng ka nqa botjhabela,

BIBELE

¹ Yaba monna eo o nkisa kgorong e shebileng botjhabela.

Ezekiele 43:1 ပူးပေါင်းရင်းမြစ်များ

Ezekiele 10:19

Yaba dikerubime di otlolla dipheo tsa tsona, tsa tloha fatshe; ka di bona ha di etswa, le mabidi a bapile le tsona. Tsa ya ema monyakong wa botjhabela wa tempele ya Jehova, kganya ya Modimo wa Iseraele e le hodima tsona, nqa hodimo.

Ezekiele 40:6

Yaba o tla monyako o lebileng ka nqa Botjhabela, a nyoloha ka methatinyana ya wona, a lekanya mohato wa monyako, ya eba thupa e le nngwe ka bophara; mohato wa bobedi le wona ya eba thupa e le nngwe ka bophara.

Ezekiele 42:15

Eitse hobane a qete ho lekanya ditekanyo tsa ntlo e kahare, a nntsha ka monyako o lebileng ka nqa botjhabela, mme a lekanya lerako le potang kahohle.

Ezekiele 43:4

Mme kganya ya Jehova ya kena tlung, ka tsela ya monyako o tadimileng ka nqa botjhabela.

Ezekiele 44:1

Yaba o boela a ntlisa monyakong wa sehalalelo o kantle, o tadimileng ka nqa botjhabela; mme o ne o kwetswe.

Ezekiele 44:2

Yaba Jehova o re ho nna: Monyako oo o tla nne o kwalwe; o ke se ke wa bulwa, ha ho motho ya tla kena ka wona, hobane Jehova, Modimo wa Iseraele, o kene ka wona; o tla nne o kwalwe.

Ezekiele 46:1

Morena Jehova o re: Monyako wa lebala le kahare, o tadimileng ka nqa botjhabela, o tla kwalwa ka matsatsi a tsheletseng a ho sebetsa; empa ka tsatsi la Sabatha, o tla bulwa; o tla bulwa le ka letsatsi la kgwedi ha e thwasa.