Ezekiele 41:25 - Sesotho 1909/1961 (SO)

²⁵ Mamating ao a tempele, ho ne ho entswe dikerubime le dipalema, jwalokaha di ne di entswe maboteng; mme marulelonyana a difate a ne a le kantle pela mathule.

BIBELE

²⁵ Hodima mamati a Sehalalelo ho ne ho betlilwe ditshwantsho tsa dikerubime le tsa difate tsa dipalema, tse tshwanang le tse betlilweng maboteng. Hodima monyako wa lethule ho ne ho tshekaladitswe lehong le letenya.

Ezekiele 41:25 ပူးပေါင်းရင်းမြစ်များ

1 Marena 7:6

A ntoo etsa mathule a ditshiya; bolelele ba wona e le ditswe tse mashome a mahlano, le bophara e le ditswe tse mashome a mararo; mme ha eba mathulenyana pela wona, a ena le ditshiya le methatinyana pela wona.

Ezekiele 40:16

Dikamoreng tsa balebedi ho ne ho na le difensetere tse kwetsweng, di eme ditshiyeng tsa tsona kahare, di teetse monyako hare ka nqa tsohle: ho jwalo le marakong. Difensetere tseo di ne di le ka nqa tsohle, ka nqa kahare; mme ditshiya di ne di na le dipalema.

Ezekiele 41:16

Tempele e kahare, le mathule a pela lebala, le bohato ba menyako, le difensetere tse kwetsweng, le dikgorwana tse sikang le ntlo hlahlamanong ya tsona se tharo, mabapa le bohato ba menyako, di ne di manehilwe ka dipolanka ka nqa tsohle, le ho tloha fatshe ho isa difensetereng; difensetere tsona di ne di kwahetswe.

Ezekiele 41:18

Mme ho ne ho entswe dikerubime le dipalema; palema e le teng mahareng a dikerubime tse pedi; kerubime e ne e na le difahleho tse pedi;