Ezekiele 41:18 - Sesotho 1909/1961 (SO)

¹⁸ Mme ho ne ho entswe dikerubime le dipalema; palema e le teng mahareng a dikerubime tse pedi; kerubime e ne e na le difahleho tse pedi;

BIBELE

¹⁸ ho ne ho betlilwe ditshwantsho tsa dikerubime le tsa difate tsa dipalema. Setshwantsho ka seng sa sefate sa palema se ne se le pakeng tsa dikerubime, le kerubime ka nngwe e le pakeng tsa difate tsa dipalema. Kerubime e nngwe le e nngwe e ne e ena le difahleho tse pedi:

Ezekiele 41:18 ပူးပေါင်းရင်းမြစ်များ

1 Marena 6:35

A betla teng dikerubime, le dipalema, le dipalesa tse thuntseng, a di kwahela ka kgauta e manehilweng hodima ditshwantsho.

1 Marena 7:29

Mahlakoreng a fapilweng ka ditshenatshe ho ne ho na le ditau le dikgomo le dikerubime; hodima ditshenatshe ho ne ho le jwalo, katlasa ditau le dikgomo ho ne ho na le mekadi e lepeletseng.

1 Marena 7:36

A betla dikerubime le ditau le dipalema mamating a mahetla a sona le mahlakoreng a sona, kamoo sebaka se leng ka teng; ho ne ho le meqhaka e potang.

2 Dikronike 3:5

A ntoo kwahela ntlo e kgolo ka difate tsa dikiprese, a e maneha ka kgauta e hlwekileng, a e kgabisa ka dipalema le meqhaka.

2 Dikronike 3:7

A maneha ntlo, le dibalaka, le mehato ya menyako, le mabota, le dikosene ka kgauta, mme a betla dikerubime maboteng.

Ezekiele 1:10

Haele tshobotsi ya difahleho tsa tsona, bone ba tsona di ne di na le sefahleho sa monna, le sefahleho sa tau ka nqa ho le letona; hape, bone ba tsona di ne di na le sefahleho sa poho ka nqa ho le letshehadi; hapehape, tse nne di ne di na le sefahleho sa ntsu.

Ezekiele 10:14

E nngwe le e nngwe e ne e na le difahleho tse nne. Sefahleho sa ya pele e ne e le sefahleho sa kerubime, sefahleho sa ya bobedi e ne e le sefahleho sa motho, sa ya boraro e le sefahleho sa tau, sa ya bone e le sefahleho sa ntsu.

Ezekiele 10:21

E nngwe le e nngwe e ne e na le difahleho tse nne, e nngwe le e nngwe ya tsona hape e ne e na le dipheo tse nne; tlasa dipheo tsa tsona, ho ne ho hlaha ntho e kang matsoho a motho.

Ezekiele 40:16

Dikamoreng tsa balebedi ho ne ho na le difensetere tse kwetsweng, di eme ditshiyeng tsa tsona kahare, di teetse monyako hare ka nqa tsohle: ho jwalo le marakong. Difensetere tseo di ne di le ka nqa tsohle, ka nqa kahare; mme ditshiya di ne di na le dipalema.

Ezekiele 40:22

a lekanya le difensetere tsa wona, le mathule a wona, le dipalema tsa wona, ho ya ka tekanyo ya monyako o lebileng ka nqa botjhabela. Ho ne ho nyolohelwa teng ka methatinyana e supileng, eo pela yona ho neng ho na le mathule a wona.

Ezekiele 41:17

Baka se hodimo ho monyako, ho tlisa bohareng ba ntlo le kantle ho yona, leboteng lohle la ntlo, kahare le kantle, se ne se kgabisitswe.

Ezekiele 41:20

Ho tloha fatshe ho isa hodimo ho monyako, ho ne ho entswe dikerubime le dipalema leboteng la tempele.

Ezekiele 41:25

Mamating ao a tempele, ho ne ho entswe dikerubime le dipalema, jwalokaha di ne di entswe maboteng; mme marulelonyana a difate a ne a le kantle pela mathule.

Tshenolo 7:9

Kamora tseo, ka tadima, mme ka bona bongata bo boholo ba batho, bao ho seng motho ya ka tsebang ho ba bala, ba ditjhaba tsohle, le ba mefuta yohle, le ba merabe yohle, le ba dipuo tsohle, ba eme pela terone le pela Konyana, ba apere diaparo tse telele tse tshweu, ba tshwere dipalema matsohong a bona,