Ezekiele 41:13 - Sesotho 1909/1961 (SO)

¹³ A ntoo lekanya ntlo, bolelele ya eba tswe tse lekgolo; le sebaka se feela, le moaho, le marako a wona, ya eba bolelele bo tswe tse lekgolo;

BIBELE

¹³ Yaba o metha Tempele: Bolelele ba yona e ne e le dimethara tse mashome a mahlano. Bolelele ba lebala la Tempele, le mohaho wa yona, mmoho le marako a yona, e ne e le dimethara tse mashome a mahlano.

Ezekiele 41:13 ပူးပေါင်းရင်းမြစ်များ

Ezekiele 40:47

A ntoo lekanya lebala le bolelele bo ditswe tse lekgolo, le bophara bo ditswe tse lekgolo, ho lekane mahlakoreng wohle; aletare yona e le pela ntlo.

Ezekiele 41:12

Mme moaho o neng o le pela sebaka se feela ka nqa bophirimela, o ne o le bophara bo tswe tse mashome a supileng; lerako la moaho oo le ne le le bophara bo tswe tse hlano kahohle, bolelele bo le tswe tse mashome a robileng mono o le mong.

Ezekiele 41:14

a lekanya le bophara ba ntlo ka nqa ka pele, le ba sebaka se feela, ka nqa botjhabela, bo le tswe tse lekgolo.

Ezekiele 41:15

Yaba o lekanya botopo ba moaho kapele ho sebaka se feela se kamora wona, le dikgorwana tsa wona, ka kwano le ka kwana, a fumana ditswe tse lekgolo.

Ezekiele 42:1

Yaba o nntshetsa lebaleng le kantle, ka tsela e lebang ka nqa leboya, mme a nkisa dikamoreng tse mabapa le sebaka se feela, tse pela lerako ka nqa leboya.

Ezekiele 42:10

Bophareng ba motero wa lebala, ka nqa botjhabela, pela sebaka se feela le pela lerako, dikamore di ne di le teng.

Ezekiele 42:2

Ka ho ya ka bolelele, ho le tswe tse lekgolo, monyako o le ka nqa leboya, bophara bo le tswe tse mashome a mahlano.

Ezekiele 42:8

Hobane bolelele ba dikamore tse lebileng ka nqa lebaleng le kantle bo ne bo le tswe tse mashome a mahlano; empa pela tempele, bo ne bo le tswe tse lekgolo.