Ezekiele 40:47 - Sesotho 1909/1961 (SO)

⁴⁷ A ntoo lekanya lebala le bolelele bo ditswe tse lekgolo, le bophara bo ditswe tse lekgolo, ho lekane mahlakoreng wohle; aletare yona e le pela ntlo.

BIBELE

⁴⁷ Yaba monna eo o metha lebala. Mahlakore a lona a ne a lekana, lehlakore ka leng le etsa dimethara tse mashome a mahlano. Aletare e ne e le kapele ho Tempele.

Ezekiele 40:47 ပူးပေါင်းရင်းမြစ်များ

Eksoda 40:29

Aletare ya ditjheso yona a e bea monyakong wa tabernakele ya tente ya pokano, a hlahisa teng mahlabelo a ditjheso le nyehelo, jwalokaha Jehova a ne a laetse Moshe.

Ezekiele 40:19

Yaba o lekanya bophara bo tlohang monyakong o katlase ho isa kapele ho lebala le kahare, kantle ho lona, e le ditswe tse lekgolo ka nqa botjhabela le ka nqa leboya.

Ezekiele 40:23

Lebala le kahare le lona le ne le na le monyako, mabapa le monyako wa leboya le wa botjhabela; yaba o lekanya sebaka se tlohang monyakong o mong ho isa monyakong o mong, se le ditswe tse lekgolo.

Ezekiele 40:27

Hape, monyako o mong o ne o le teng lebaleng le kahare ka nqa borwa. A lekanya sebaka ho tloha monyakong o mong ho isa monyakong o mong, ka nqa borwa, se le ditswe tse lekgolo.

Ezekiele 41:13

A ntoo lekanya ntlo, bolelele ya eba tswe tse lekgolo; le sebaka se feela, le moaho, le marako a wona, ya eba bolelele bo tswe tse lekgolo;