Ezekiele 40:17 - Sesotho 1909/1961 (SO)

¹⁷ Yaba o nkisa lebaleng le kantle, mme ka bona dikamore, ka bona le mokato wa majwe o entsweng lebaleng ho le teela hare; ho ne ho ena le dikamore tse mashome a mararo tse neng di teana le mokato oo.

BIBELE

¹⁷ Jwale monna eo a nkisa lebaleng le kantle. Teng ka bona dikamore tse ding, le tsela e katilweng ho potoloha lebala lena. Dikamore tse mashome a mararo di ne di sika le tsela ena e katilweng.

Ezekiele 40:17 ပူးပေါင်းရင်းမြစ်များ

1 Marena 6:5

A haha leboteng la ntlo dikamore tse kallaneng tse le potang, a di haha maboteng a ntlo, tsa sika tempele le sehalaledisiso; a etsa dikamore tse kathoko kahohle.

2 Marena 23:11

A tlosa le dipere tse kgethetsweng letsatsi ke marena a Juda; di be di le pela ntlo ya Jehova, kamoreng ya tona Nethane-Meleke, e lebaleng le kantle la tempele; a tjhesa le makoloi a letsatsi ka mollo.

1 Dikronike 23:28

Hobane mosebetsi wa bona e ne e le ho tlatsa bara ba Aarone tshebetsong ya ntlo ya Jehova; ba ne ba laetswe ho baballa mabala le dikamore, le ho hlatswa ntho tsohle tse halalelang, le ho phetha mosebetsi wohle wa tshebetso ya ntlo ya Modimo;

1 Dikronike 9:26

Balevi bao ba bane, e neng e le balebedi ba baholo, ba ne ba le kabelong ya bona kamehla, mme hape, ba ne ba lebela dikamore le matlo a matlotlo a ntlo ya Modimo.

2 Dikronike 31:11

Yaba Esekiase o laela hore ho lokiswe dikamore ka tlung ya Jehova, mme tsa lokiswa,

Eksoda 27:9

O tla etsa le lebala la tabernakele, ka nqa borwa lebala le tle le etsetswe masela a lepeletseng a line e ntle e lohilweng; a be bolelele ba tswe tse lekgolo ka lehlakoreng le leng;

Ezekiele 10:5

Modumo wa dipheo tsa dikerubime wa utlwahala le lebaleng le kantle, o ka lentswe la Modimo o matla wohle, ha o bua.

Ezekiele 40:18

Mokato oo o ne o le mahlakoreng a menyako, o lekane le bolelele ba menyako; oo ke mokato o katlase.

Ezekiele 40:38

Kamore e ne e le teng eo ho neng ho kenwa ho yona dipakeng tsa ditshiya tsa menyako; ke hona moo ho neng ho hlatsuwa ditjheso.

Ezekiele 40:44

Kantle ho monyako o kahare, ho ne ho na le dikamore tsa dibini, lebaleng le kahare; e nngwe e ne e le kathoko ho monyako wa leboya, e tadimile nqa borwa; e nngwe e le kathoko ho monyako wa botjhabela, e tadimile nqa leboya.

Ezekiele 40:45

Yaba o re ho nna: Kamore eo e tadimileng nqa borwa ke ya baprista ba lebelang ntho tsa ntlo;

Ezekiele 40:46

haele kamore e tadimileng nqa leboya ke ya baprista ba lebelang dintho tsa aletare. Ke bara ba Tsadoke, e leng bao hara bara ba Levi ba atamelang Jehova ho etsa tshebeletso ya hae.

Ezekiele 41:10

Mme ho isa dikamoreng tse ding ho ne ho le sebaka se feela se tswe tse mashome a mabedi ho sika le ntlo yohle.

Ezekiele 41:6

Dikamore tse mahlakoreng di ne di eme e nngwe hodima e nngwe, di le tharo jwalo, di phetwa jwalo ha mashome a mararo; di ne di dutse hodima lerako le neng le sika le ntlo, le etseditswe dikamore tse mahlakoreng, hore di tiye jwalo, leha di ne di sa itshehetse ka lerako la ntlo.

Ezekiele 42:1

Yaba o nntshetsa lebaleng le kantle, ka tsela e lebang ka nqa leboya, mme a nkisa dikamoreng tse mabapa le sebaka se feela, tse pela lerako ka nqa leboya.

Ezekiele 42:10

Bophareng ba motero wa lebala, ka nqa botjhabela, pela sebaka se feela le pela lerako, dikamore di ne di le teng.

Ezekiele 42:3

Mabapa le ditswe tse mashome a mabedi tsa lebala le kahare, le mabapa le mokato wa lebala le kantle, dikgorwana di ne di bapile le dikgorwana, dikamoreng tsa mela e meraro.

Ezekiele 42:4

Pela dikamore tseo, ho le sebaka sa ho tsamaya se bophara bo tswe tse leshome; kahare ho na le tsela e setswe se le seng; menyako yona e tadimile ka nqa leboya.

Ezekiele 44:1

Yaba o boela a ntlisa monyakong wa sehalalelo o kantle, o tadimileng ka nqa botjhabela; mme o ne o kwetswe.

Ezekiele 45:5

Ho ntoo lekanngwa sebaka sa ditswe tse dikete tse mashome a mabedi a metso e mehlano boleleleng le sa ditswe tse kete tse leshome bophareng; e tla ba sa Balevi; haele ba etsang tshebeletso ya ntlo, ba tla rua dikamore tse mashome a mabedi ho yona.

Ezekiele 46:21

Yaba o nntshetsa lebaleng le kantle, a nkisa dikoung tse nne tsa lebala, mme ka bona ho na la lebala koung e nngwe le e nngwe ya lebala.

Tshenolo 11:2

Empa, haele lebala le kantle ho tempele o le siye, o se ke wa le lekanya; hobane baditjhaba ba le neilwe, mme ba tla hatakela motse o halalelang ka maoto, ka dikgwedi tse mashome a mane a metso e mmedi.