Ezekiele 39:17 - Sesotho 1909/1961 (SO)

¹⁷ Haele wena, mora motho, Morena Jehova o re: Ere ho dinonyana, ho tsohle tse nang le dipheo, le ho diphoofolo tsohle tsa naha: Phuthehang, le tle. Phuthehang nqa tsohle, le tle sehlabelong sa ka, sehlabelong se seholo seo ke le hlabelang sona dithabeng tsa Iseraele, le tle le je nama, le nwe madi.

BIBELE

¹⁷ “Wena ngwana motho, Morena Modimo o bua tjena: Bitsa dinonyana ka mefuta ya tsona, le dibatana tsohle tsa naha, o re: ‘Phuthehang kaofela, le etswa hohle, le tle kwano sehlabelong sa ka, seo ke le etsetsang sona, sehlabelo se seholo se hodima dithaba tsa Iseraele, e le hore le tle le je nama le nwe le madi.

Ezekiele 39:17 ပူးပေါင်းရင်းမြစ်များ

Genese 31:54

Jakobo a hlaba sehlabelo thabeng, a bitsa bahabo ho tla ja bohobe; yaba ba ja bohobe, ba robala thabeng.

Isaia 18:6

Bohle ba tla neelwa manong a dithaba le dibatana tsa naha, manong a tla solla teng selemo se be se fele, dibatana kaofela tsa naha di qete mariha teng.

Isaia 29:2

Ke ntoo tla tsietsa Ariele; motse o tla tlala dillo le mefehelo, mme ho nna e tla ba ntho e kang Ariele (aletare kapa tau ya Modimo).

Isaia 34:6

Lerumo la Jehova le tletse madi, le kganathetse mafura le madi a dikonyana, le a diphooko, le mafura a difutsi tsa dipheleu; hobane Jehova o na le sehlabelo Botsra, le hlabo e kgolo naheng ya Edomo.

Isaia 34:7

Dinare le dipoho le dipholo di tla wa le tsona; lefatshe la tsona le tla nosetswa ke madi, naha ya tsona e nontshwe ke mafura.

Isaia 56:9

Lona, dibatana tsohle tsa naha, tloong, le je; le lona dibatana tsohle tsa meru!

Jeremia 12:9

Ho nna lefa la ka ke lenong, ke phiri; manong a le teetse hare. Tloong, le bolelle dibatana kaofela tsa naha, di tle dijong.

Jeremia 25:33

Tsatsing leo, ba hlabilweng ke Jehova ba tla ba teng ho nka pheletsong e nngwe ya lefatshe ho isa pheletsong e nngwe ya lefatshe, ba sa llelwe, ba sa phuthelwe, ba sa epelwe; e tla ba moitedi hodima lefatshe.

Jeremia 46:10

Tsatsi leo ho Morena, Jehova wa makgotla, ke tsatsi la tefetso, ho itefeletsa ho bao e leng dira ho yena. Lerumo le ya nne le je, le kgore, le tahwe ke madi a bona; hobane ke sehlabelo sa Morena, Jehova wa makgotla, lefatsheng la Leboya, nokeng ya Eufrate.

Ezekiele 29:5

Ke tla o lahlela lefeelleng, wena le dihlapi tsohle tsa dinoka tsa hao; o tla wela masimong; ha o ka ke wa phuthwa, leha e le ho bokellwa, mme ke tla o neela dibatana tsa naha le dinonyana tsa lehodimo, ho ba dijo tsa tsona.

Ezekiele 39:16

Esita le lebitso la motse wa teng e tla ba la Hamona (bongata). Ba tla hlaphola lefatshe jwalo.

Ezekiele 39:4

O tla wela dithabeng tsa Iseraele, e le wena le makgotla wohle a hao, le ditjhaba tse leng ho wena. Ke tla o neela manong le tsohle tse fofang le diphoofolo tsa naha, ho ba dijo tsa tsona.

Sofonia 1:7

Tholang pela Morena Jehova! hobane letsatsi la Jehova le atametse; hobane Jehova o lokisitse sehlabelo, o hlatswitse bao a ba bitsitseng.

Mattheu 24:28

Hobane moo setopo se leng teng, ke moo manong a tla bokana teng.

1 Samuele 16:3

O biletse Jese sehlabelong, mme ke tla o tsebisa seo o tla se etsa, mme o tla ntlotsetsa eo ke tla o laela yena.

1 Samuele 17:46

Kajeno, Jehova o tla o neela matsohong a ka; ke tla o bolaya, ke o pome hlooho, ke nee kajeno lena dinonyana tsa lehodimo le dibatana tsa naha ditopo tsa makgotla a Bafilesta, mme lefatshe lohle le tla tseba hobane Modimo o teng Iseraeleng.

1 Samuele 9:13

Etlare le sa kena motseng, le tla mo fihlela a eso ho nyolohele nqalong e phahameng ho ya ja teng; hobane le setjhaba se ke ke sa eja, a eso ho fihle, etswe e le yena ya tla hlohonolofatsa sehlabelo, ho ntoo jewa ke ba memilweng. Nyolohang jwale, hobane le tla mo fihlela ka nako ena.