Ezekiele 37:3 - Sesotho 1909/1961 (SO)

³ Yaba o re ho nna: Mora motho, na masapo ao a ka tsoha na? Ka re: Morena Jehova, ho tseba wena.

BIBELE

³ Morena a mpotsa, a re: “Wena ngwana motho, na masapo aa a ka boela a phela?” Ka araba, ka re: “Morena Modimo, ke wena feela ya tsebang.”

Ezekiele 37:3 ပူးပေါင်းရင်းမြစ်များ

Dipesaleme 88:11

Hleka mohau wa hao o ya bolelwa lebitleng, le nnete ya hao moahong wa lefu na?

Ezekiele 26:19

Hobane Morena Jehova o re: Mohla ke o etsang lesupi le tshwanang le metse e se nang ba ahileng ho yona, mohla ke o nyollelang bodiba, mme metsi a maholo a o aparela,

Ezekiele 37:2

A mpotisa wona ka nqa tsohle, mme ka bona hoba a mangata haholo hodima thota; hape, ka bona hoba a omeletse haholo.

Johanne 5:21

Hobane, jwalokaha Ntate a tsosa bafu, le ho ba pholosa, le yena Mora o pholosa bao a ratang ho ba pholosa.

Diketso 26:8

Hleka le re, ke ntho e ke keng ya ba ya dumeleha ho rona, hoba Modimo o tsosa bafu na?

Baroma 4:17

jwalokaha ho ngodilwe, ho thwe: Ke o beile ntata ditjhaba tse ngata. Ke ntata rona bohle pela Modimo oo a dumetseng ho wona, o phedisang ba shweleng, o bitsang dintho tse siyo jwaloka hoja di le teng.

1 Bakorinthe 15:35

Empa e mong o tla re: Bafu ba tsoha jwang? Ba tla hlaha ka mmele o jwang?

Deuteronoma 32:29

Hojane ba le bohlale ba ka be ba lemohile taba tsena, le ho ela ho fela ha bona hloko!

Deuteronoma 32:39

Tadimang jwale hobane ke nna, e, ke nna feela, mme ha ho modimo o mong, haese nna; ke a bolaya, mme ke a phedisa; ke etsa leqeba, mme ke a le fodisa; ha ho motho ya ka o namolelang letsohong la ka.

BaHebheru 11:19

A lekanya hoba Modimo o ka tseba ho tsosa mora wa hae bafung; mme efela o boetse a mo rua ka mokgwa o kang wa tsoho.

1 Samuele 2:6

Jehova o a timetsa, mme o a pholosa, o theosetsa lebitleng, mme o nyolla teng.