Ezekiele 32:24 - Sesotho 1909/1961 (SO)

²⁴ Elame le yena o teng le bongata bohle ba batho ba hae; ba teetse lebitla la hae hare. Ba bolailwe kaofela, ba dihilwe ke lerumo; ke maqai a theohetseng lefatsheng le katlase, e le ba neng ba hasa letsoso lefatsheng la ba utlwang; jwale, ba jere dihlong tsa bona hammoho le ba theohelang sehokong.

BIBELE

²⁴ “Elame le yona e teng, mabotho a yona a teetse lebitla la yona hare. Kaofela ha bona ba bolailwe ka sabole, ba theohela Nqalong ya Bafu e ntse le maqai; bona ba kileng ba tshosa batho ba phelang lefatsheng; jwale ba jere sekgobo sa bona mmoho le ba theohetseng mohohlong.

Ezekiele 32:24 ပူးပေါင်းရင်းမြစ်များ

Genese 10:22

Bara ba Sema ke Elame, le Assure, le Arpaksade, le Lude, le Arame.

Genese 14:1

Yare mehleng ya Amrafele, morena wa Shineare, le Arioke, morena wa Ellasare, le Kedorlaomere, morena wa Elame, le Tideale, morena wa Gojime,

1 Dikronike 1:17

Bara ba Sema ke Elame, Assure, Arpaksade, Lude, Arame, Utse, Hule, Getere, le Mesheke.

Jobo 28:13

Motho a ke ke a lekanya bohlokwa ba jona; ha bo fumanwe lefatsheng la ba phelang.

Dipesaleme 142:5

Jehova, ke nyolosetsa mehoo ya ka ho wena, ke re: O setshabelo sa ka, o kabelo ya ka lefatsheng la ba utlwang.

Isaia 11:11

Hape, mohlang oo, Morena o tla boela a otlolle letsoho la hae hape la bobedi ho lopolla masala a setjhaba sa hae a siilweng naheng ya Assiria, le Egepeta, le Pathrose, le Ethiopia, le Elame, le Shineare, le Hamathe, le dihlekehlekeng tsa lewatle.

Isaia 38:11

Ka ba ka re: Ha ke sa tla bona Jehova, Jehova, lefatsheng la ba utlwang; ha ke sa tla bona batho, ha ke le ho ba ahileng nqalong ya bafu.

Jeremia 11:19

Mme nna, jwaloka konyana e bonolo e iswang ho hlajwa, ke ne ke sa tsebe hobane ba ka rera morero bakeng sa ka, o reng: A re bolayeng sefate le dijo tsa sona, re mo epolle lefatsheng la ba utlwang, le lebitso la hae le tle le se ke la hlola le sa hopolwa.

Jeremia 25:25

le marena kaofela a Simri, le marena kaofela a Elame, le marena kaofela a Media,

Ezekiele 16:52

Ha ho le jwalo, jara sekgobo sa hao le wena, seo o neng o tswile banabeno ka sona! Ka baka la dibe tsa hao, tseo ka tsona o entseng manyala a fetang a bona, ba o feta ka ho loka. Ha ho le jwalo, hlajwa ke dihlong le wena, o jare sekgobo sa hao, ha e le mona o lokafaditse banabeno.

Ezekiele 16:54

hore o tle o jare sekgobo sa hao, o hlabiswe ke dihlong ka tsohle tseo o di entseng, o ba tshedisitseng ka tsona.

Ezekiele 26:20

ke tla o lahlela hammoho le ba theohelang sehokong, ho ditjhaba tsa kgale, ke o ahise lefatsheng le tebileng, masuping a sa feleng, hammoho le ba theohetseng sehokong, hore o tle o se ke wa hlola o ahuwa: athe ke tla bea kganya lefatsheng la ba utlwang.

Ezekiele 31:14

e le hore difate tsohle tse hlomilweng pela metsi di se ke tsa ikgohomosa ka boholo ba tsona, di se ke tsa bonahatsa dintlha tsa tsona hara maru, mme difate tsohle tse nwang metsi di se ke tsa tiisetsa boikakasong ba tsona; etswe tsohle e le tse neetsweng lefu, hore di theohele lefatsheng le katlase, baneng ba batho, hammoho le ba theohelang sehokong.

Ezekiele 31:18

Oho, o tshwana le mang, ha o le jwalo, ka kganya le ka boholo, hara difate tsa Edene? O tla dihelwa lefatsheng le katlase, hammoho le difate tsa Edene, o rapalatswe hara maqai hammoho le ba bolailweng ke lerumo. Faro o tla dula jwalo hammoho le bongata ba batho ba hae: ho bolela Morena Jehova.

Ezekiele 32:18

Mora motho, bobola ka bongata ba batho ba Egepeta, o theolele Egepeta le baradi ba ditjhaba tse tumileng lefatsheng le katlase, hammoho le ba theohelang sehokong.

Ezekiele 32:19

Na o feta mang ka botle? Theoha, a robale ho maqai.

Ezekiele 32:21

Bahale ba hara dinatla ba bua le Egepeta le ba mo tlatsang, ba le nqalong ya bafu; maqai ao a dihilwe; a rapaletse, a bolailwe ke lerumo.

Ezekiele 32:25

O beetswe malao mahareng a ba bolailweng hammoho le bongata bohle ba hae; o teetswe hare ke mabitla a batho ba hae. Kaofela ha bona ke maqai, ba bolailwe ke lerumo, hobane letsoso la bona le ne le hasane lefatsheng la ba utlwang, mme ba jere dihlong tsa bona hammoho le ba theohetseng sehokong; ba beilwe hara ba bolailweng.

Ezekiele 32:30

Marena wohle a Leboya a teng le wona, le Basidone bohle; ba theohetse sehokong hammoho le ba bolailweng, ba le dihlong, leha e ne e le bao bohale ba bona bo neng bo hasa letsoso la bona; ke maqai a tla robala ho ba bolailweng ke lerumo, ba tla jara dihlong tsa bona hammoho le ba theohetseng sehokong.

Ezekiele 34:29

Ke tla ba medisetsa ditlama tse ntle, hore ba se ke ba hlola ba qetwa ke tlala naheng ya bona; ha ba sa tla jara sekgobo sa ditjhaba.

Ezekiele 36:15

Ha nka ke ka hlola ke utlwahatsa dinyefolo tsa ditjhaba ha eno, ha o sa tla jara sekgobo sa ditjhaba, ha o sa tla kgopisa setjhaba sa heno: ho bolela Morena Jehova.

Ezekiele 39:26

Ba tla lebala sekgobo sa bona le tshito ya bona eo ba ntshitetsweng ka yona, mohla ba ahang naheng ya bona ba iketlile, ho se ya ba tshabisang;

Ezekiele 44:13

Ba ke ke ba atamela pela ka ho sebetsa tsa boprista ba ka le ho atamela pela dintho tsa ka tse halalelang sehalaledisisong; empa ba tla jara molato wa sekgobo sa bona le manyala a bona ao ba a entseng;

Daniele 8:2

Eitse ha ke tadima, ha eba jwaloka hoja ke le Susane, motse wa moreneng wa naha ya Elame; ha ke tadima ponong, ka fumana ke dutse pela noka e kgolo ya Ulai.

Habakuke 2:16

O ikgorisitse dihlong bakeng sa kganya; nwa he le wena, o tle o bontshe boqai ba hao. Se tla boela ho wena, senwelo se letsohong le letona la Jehova, mme mahlatsa a dihlong a tla ba teng hodima kganya ya hao.

Mattheu 11:23

Le wena Kapernauma, ya phahamiseditsweng lehodimong, o tla kokobeletswa nqalong ya bafu; hobane mehlolo e entsweng ha eno, hola ya be e entswe Sodoma, motse oo o ka be o sa le teng le kajeno.