Ezekiele 32:12 - Sesotho 1909/1961 (SO)

¹² Ka marumo a dinatla ke tla diha bongata ba batho ba hao. Ke bona ba leng thata hara ditjhaba; ba tla etsa bokgabane ba Egepeta lesupi, bongata bohle ba batho ba teng bo timetswe.

BIBELE

¹² Mabotho a hao ke tla a etsa mofela, ke a bolaye ka sabole tsa natla tsa banna, banna ba sehloho ho feta ditjhaba tsohle. Bokgabane ba Egepeta ba tla bo fedisa, mabotho wohle a yona ba a ripitle.

Ezekiele 32:12 ပူးပေါင်းရင်းမြစ်များ

Jeremia 46:12

Ditjhaba di utlwa tsa dihlong tsa hao, lefatshe le dumaella pokollo ya hao, hobane mohale o otlanya mohale e mong, ba wela hammoho ba babedi.

Ezekiele 28:19

Baditjhaba bohle ba neng ba tsebana le wena, ba tla makala ka wena; o entswe lefeela, mme ha o sa tla ba teng le ka mohla o le mong.

Ezekiele 28:7

bona, ke tla o tlisetsa baditjhaba, ba thata hara ditjhaba; ba tla tsomola marumo a bona ho senya bohlale bo botle ba hao, ba silafatse bokgabane ba hao;

Ezekiele 29:19

Ha ho le jwalo, Morena Jehova o re: Bonang, ke tla nea Nebukadresare, morena wa Babilona, naha ya Egepeta; o tla tlosa bongata ba batho teng, a hape kgapo ya teng, a ye le seo a se tlatlapileng, mme hoo e tla ba moputso wa makgotla a hae.

Ezekiele 30:11

Yena hammoho le setjhaba sa hae, e leng setjhaba se thata hara ditjhaba, ba ya tliswa ho timetsa lefatshe; ba tla tsomola marumo a bona ho lwantsha Egepeta, ba tlatse lefatshe ka ba bolawang.

Ezekiele 31:11

ke tla e neela matsohong a eo e leng senatla hara ditjhaba, hore a etse ka yona kamoo a ratang kateng; ke e lelekisitse ka baka la bokgopo ba yona.

Ezekiele 31:12

Baditjhaba, ba thata hare ditjhaba, ba e remile, ba e tlohetse hona teng; mahlomela a yona a wetse dithabeng le dikgutlong tsohle, makala a yona a robehileng a wetse melapong yohle ya lefatshe, ditjhaba tsohle tsa lefatshe di suthile moriting wa yona, di e tlohetse hona teng.

Ezekiele 32:18

Mora motho, bobola ka bongata ba batho ba Egepeta, o theolele Egepeta le baradi ba ditjhaba tse tumileng lefatsheng le katlase, hammoho le ba theohelang sehokong.