Ezekiele 26:9 - Sesotho 1909/1961 (SO)

⁹ O tla neela dipheleu tsa hae marakong a hao, a heletse ditora tsa hao ka dibetsa tsa hae.

BIBELE

⁹ O tla thua mabota a hao ka ditshetlo, a heletse le ditora tsa hao ka meqala.

Ezekiele 26:9 ပူးပေါင်းရင်းမြစ်များ

2 Dikronike 26:15

Hape, a etsa Jerusalema dibetsa tse qapilweng ke monna ya masene, tse bewang ditoreng le dikoung, ho betsa ka metsu le ka majwe a maholohadi. Botumo ba hae ba hasana hole, hobane a nna a tlatswa ka mokgwa o makatsang, ho fihlela a ba a ipha matla.

Ezekiele 21:22

Bonang, se nohang se letsohong la hae le letona: Ke Jerusalema! Ho tla bewa dipheleu, ho etswe mehoo polaong, ho hlajwe mokgosi, ho bewe dipheleu ho bolaya mamati a menyako, ho hahuwe ditutudu, ho hahuwe lerako le potang.

Ezekiele 26:10

Lerole la bapalami ba hae le tla o apesa ka baka la bongata ba bona; modumo wa bapalami ba hae, le wa mabidi a hae, le wa makoloi a hae, o tla reketlisa marako a hao, mohla a kenang ka dikgoro tsa hao, jwalokaha ho kenwa motse o entsweng sekgeo.

Ezekiele 26:4

Di tla heletsa marako a Tire, di dihe ditora tsa hae; ke tla fiela lerole la hae, ke mo etse lefika le hlobotseng.

Ezekiele 26:8

O tla bolaya ka lerumo baradi ba hao ba naheng ya hao, a be a o teele hare ka lerako le potang, mme a o tjhekele ditutudu, a o emisetse thebe.