Ezekiele 26:6 - Sesotho 1909/1961 (SO)

⁶ Baradi ba hae, ba leng naheng ya hae, ba tla bolawa ka lerumo, ba tle ba tsebe hoba ke nna Jehova.

BIBELE

⁶ Baradi ba Tire ba hara naha ba tla bolawa ka sabole, mme ba tla tseba hore ke nna Morena.’ ”

Ezekiele 26:6 ပူးပေါင်းရင်းမြစ်များ

Jeremia 49:2

Ka baka leo, ho bolela Jehova, ho tla matsatsi ao ke tla hlaba mokgosi wa ntwa ka wona hodima Rabba wa bana ba Ammone, mme o tla etswa qubu ya dithako, metse ya bona e tjheswe ka mollo; mme Iseraele o tla rua lefa la ba neng ba mo ruile, ho bolela Jehova.

Ezekiele 16:46

Moholwane wa hao ke Samaria hammoho le baradi ba hae, ba ahileng nqa letsohong le letshehadi ho wena; mme moenao, ya ahileng nqa letsohong le letona ho wena, ke Sodoma hammoho le baradi ba hae.

Ezekiele 16:48

Jehova Morena o re: Ke a phela! Sodoma, ngwaneno, le baradi ba hae, ha ba ka ba etsa jwalokaha ho entse wena le baradi ba hao!

Ezekiele 16:53

Ke tla ba lata kgolehong; ke tla lata baholehuwa ba Sodoma le ba baradi ba hae, le baholehuwa ba Samaria le ba baradi ba hae; le baholehuwa ba hao hammoho le ba bona;

Ezekiele 25:11

mme ke tla hlahisetsa Moabe dikahlolo tsa ka, ba tle ba tsebe hoba ke nna Jehova.

Ezekiele 25:14

Ke tla iphetetsa ho Edomo ka setjhaba sa ka sa Iseraele; ba tla etsetsa Edomo ka bohale ba ka le ka kgalefo ya ka, mme ba tla tseba phetetso ya ka: ho rialo Morena Jehova.

Ezekiele 25:17

Ke tla ba etsetsa ka ditefetso tse kgolo le ka dikgalemelo tsa kgalefo; ba tle ba tsebe hoba ke nna Jehova, mohla ke beang tefetso ya ka hodima bona.

Ezekiele 25:5

Ke tla etsa Rabba makgulo a dikamele, naha ya bana ba Ammone e be metebo ya dinku; le tle le tsebe hoba ke nna Jehova.

Ezekiele 25:7

ka baka leo, bona, ke tla o otlollela letsoho la ka, ke tle ke o neele ho rusolelwa ke ditjhaba, ke o kgaole hara ditjhaba, ke o timetse dinaheng tsohle; ke tla o fedisa, o tle o tsebe hoba ke nna Jehova.

Ezekiele 26:8

O tla bolaya ka lerumo baradi ba hao ba naheng ya hao, a be a o teele hare ka lerako le potang, mme a o tjhekele ditutudu, a o emisetse thebe.