Ezekiele 21:26 - Sesotho 1909/1961 (SO)

²⁶ Morena Jehova o re: Rola moqhaka, o tlose mokgabo wa hao; se leng teng ha se sa tla ba teng; ho phahamiswa se kokobetseng, ho kokobetswa se phahameng.

BIBELE

²⁶ Kahoo Morena Modimo o bua tjena: Rola moqhaka, o role le wona mofapahlooho. Ditaba ha di sa tla ema jwaloka pele: Ba ikokobeditseng ba tla phahamiswa, empa ba iphahamisitseng ba tla kokobetswa.

Ezekiele 21:26 ပူးပေါင်းရင်းမြစ်များ

2 Marena 25:27

Ka selemo sa mashome a mararo a metso e supileng sa ho holehuwa ha Jojakine, morena wa Juda, ka kgwedi ya leshome le metso e mmedi, ka letsatsi la mashome a mabedi a metso e supileng la kgwedi, Evile-Merodake, morena wa Babilona, a ntsha Jojakine, morena wa Juda, teronkong, e le ka selemo seo a qalang ho busa ka sona.

2 Marena 25:6

Ba tshwara morena, ba mo tlisa ho morena wa Babilona, Ribla, mme a ahlolwa teng.

Dipesaleme 75:7

empa ke Modimo o ahlolang: o kokobetsa e mong, mme e mong o mo phahamise.

Diproverbia 27:24

Hobane nala hase ya kamehla, le borena ha bo hlolehe kamehla le mehla.

Isaia 47:12

Tswela pele ka boupelli ba hao le ka bongata ba boloi ba hao, e leng dintho tseo o di sebeditseng esale botjheng ba hao; ekaba o tla fihlela thuso ho tsona, mohlomong o hlole ka tsona.

Jeremia 13:18

Bolella morena le mofumahadi, o re: Ikokobetseng, le ke le dule fatshe, hobane moqhaka wa kganya ya lona o wele dihloohong tsa lona.

KOLI-YA-MALLA 5:16

Moqhaka o wele dihloohong tsa rona; ho madimabe rona, hobane re sitilwe.

Ezekiele 16:12

ka kenya lesale nkong ya hao le masale ditsebeng, ka o rwesa le moqhaka o motle hloohong.

Ezekiele 17:24

Mme difate tsohle tse naheng di tla tseba hoba ke nna Jehova ke kokobeditseng sefate se selelele, ke phahamisitseng sefate se kokobetseng, ke omeleditseng sefate se setala, ke medisitseng sefate se omeletseng. Ke nna Jehova ke bolelang hoo, ke bileng ke tla ho etsa.

Luka 1:52

o dihile babusi diteroneng tsa bona, mme o phahamisitse ba ikokobeditseng;

Jakobo 4:10

Ikokobetseng pela Morena, mme o tla le phahamisa.

Baahlodi 17:5

Monna eo, Mika, o ne a na le ntlo ya modimo; a iketsetsa le efoda le diterafime, mme a kgetha e mong wa bara ba hae, a mmea moprista wa hae.