Ezekiele 17:18 - Sesotho 1909/1961 (SO)

¹⁸ O kgesitse kano, o tlotse selekane; o bile o neile Faro letsoho la hae; o entse tseo tsohle; ha a ka ke a phonyoha.

BIBELE

¹⁸ O nyedisitse kano ka ho senya selekane seo a neng a se hlapanyeditse, a etsa dintho tsena tsohle; kahoo a ke ke a phonyoha.

Ezekiele 17:18 ပူးပေါင်းရင်းမြစ်များ

2 Marena 10:15

A tloha teng, a kopana le Jonadabe, mora Rekabe, a tlile ho mo kgahlanyetsa. A mo dumedisa, a re ho yena: Na pelo ya hao e tshweu, jwalokaha pelo ya ka e le tshweu bakeng sa pelo ya hao na? Jonadabe a re: E tshweu. Yena a re: Ha ho le jwalo, nnee letsoho la hao. A mo neela letsoho la hae. A mo neela letsoho la hae, a mo nyollela koloing.

1 Dikronike 29:24

Dihlooho tsohle, le dinatla kaofela, le bara bohle ba morena Davida, ba ipea katlasa morena Salomone.

2 Dikronike 30:8

Jwale, le se ke la hlola le satalatsa melala ya lona, jwaloka bontata lona; le mpe le tshwarane matsoho le Jehova, mme le tle sehalalelong sa hae seo a se halaleditseng ka ho sa feleng; mme le sebeletse Jehova, Modimo wa lona, hore bohale ba kgalefo ya hae bo le kgelohe.

Moeklesia 8:2

Ke re: Boloka taelo ya morena ka baka la kano eo o e entseng pela Modimo.

KOLI-YA-MALLA 5:6

Re otlolletse matsoho a rona ho Baegepeta le ho Baassiria ho bona bohobe.

Ezekiele 17:15

Eo a mpa a mo kwenehela ka ho romela manqosa Egepeta, hore a fuwe dipere le setjhaba se seholo teng. Ya entseng hoo na o tla atleha na? Na o tla phonyoha na? O tlotse selekane; a ka phonyoha na?

Ezekiele 17:16

Ke a phela, ho rialo Morena Jehova: o tla shwela nqalong yona eo moo ho phelang eo a entsweng morena ke yena, eo a kgesitseng kano ya hae, eo a tlotseng selekane sa hae, o tla shwela hona moo ha hae, Babilona.

Ezekiele 17:19

Ha ho le jwalo, Morena Jehova o re: Ke a phela! o kgesitse kano ya ka, o tlotse selekane sa ka. Molato oo ke tla o bea hloohong ya hae.

Ezekiele 21:23

Haele bona, mahlong a bona, ke bonohe ba lefeela; ke re, ho bona ba neng ba hlapantse le ho ana; empa yena o elellwa bokgopo ba bona, hore ba fele ba tshwarwe.