Ezekiele 10:10 - Sesotho 1909/1961 (SO)

¹⁰ Haele ponahalo ya mabidi, bone ba wona a ne a ena le sebopeho se le seng jwaloka hojane lebidi le leng le kene kahare ho le leng.

BIBELE

¹⁰ Mabidi ana a mane a ne a tshwana, lebidi ka leng le ka lebidi le keneng ka ho le leng.

Ezekiele 10:10 ပူးပေါင်းရင်းမြစ်များ

1 Marena 7:30

Sedulwana se seng le se seng se ne se na le mabidi a mane a koporo le diase tsa koporo; dintlheng tsa tsona tse nne, ho ne ho le mahetla; mahetla ao a tsholotsweng a ne a le tlasa morifi, mme kamorao ho mahetla ho ne ho le meqhaka.

Dipesaleme 104:24

Jehova, mesebetsi ya hao e mengata hakakang! O e entse kaofela ka bohlale; lefatshe le tletse matlotlo a hao.

Dipesaleme 36:6

Ho loka ha hao ho ka ka dithaba tsa Modimo, dikahlolo tsa hao di tebile jwaloka lewatle. Jehova o baballa batho le diphoofolo.

Dipesaleme 97:2

Maru le botsho di mo teetse hare; ho loka le kahlolo ke motheo wa terone ya hae.

Ezekiele 1:1

Eitse ka selemo sa mashome a mararo, ka kgwedi ya bone, ka tsatsi la bohlano la kgwedi, ha ke ne ke le hara ba isitsweng kgolehong nokeng ya Kebare, mahodimo a phetlwa, mme ka bona pono tse hlollang tsa Modimo.

Ezekiele 1:16

Ponahalo ya mabidi le mokgwa wa wona e ne e ka ponahalo ya krisolithe, bone ba wona a ne a na le sebopeho se le seng; ponahalo ya wona le mokgwa wa wona ho ne ho le jwaloka hoja lebidi le leng le kene kahare ho le leng.

Ezekiele 10:11

Ho tsamayeng ha wona a ne a tsamaya ka dintlha tse nne tsa wona; ho tsamayeng ha wona, a ne a sa bidikane; hobane nqa efe le efe moo hlooho e neng e leba teng, a ne a e latela; ho tsamayeng ha wona a ne a sa bidikane.

Ezekiele 10:9

Eitse ha ke tadima, ka bona mabidi a mane pela dikerubime; lebidi le leng pela kerubime e nngwe, lebidi le leng hape pela kerubime e nngwe; ponahalo ya mabidi e ne e ka ponahalo ya lejwe la krisolithe.

Baroma 11:33

A bodiba ba monono, le ba bohlale, le ba tsebo ya Modimo! Dikahlolo tsa wona ha di hlalohanngwe hakakang! Ditsela tsa wona ha di na ho fihlelwa hakakang!