Esthere 9:28 - Sesotho 1909/1961 (SO)

²⁸ ba rera hore matsatsi ao a tla elellwa le ho kgethwa mehleng yohle, tlung e nngwe le e nngwe, le naheng e nngwe le e nngwe, le motseng o mong le o mong, le hore matsatsi ao a Purime a ke ke a hlokahala hara Bajuda, leha e le kgopotso ya teng ho hlakoha kelellong ya ditloholo tsa bona.

BIBELE

²⁸ Ba itlama hape hore matsatsi ana a Purime a tla hopolwa ke meloko yohle, le ke malapa wohle, dinaheng tsohle, le metseng yohle, le hore a ke ke a lebalwa ke Bajuda le ke ditloholo tsa bona.

Esthere 9:28 ပူးပေါင်းရင်းမြစ်များ

Esthere 9:27

Bajuda ba rera, mme ba ikgethela, ba kgethela le ditloholo tsa bona le bohle ba ka ba kgomarelang, hore ba ke ke ba lesa ho kgetha matsatsi ao a mabedi, selemong se seng le se seng, ka molao wa teng o ngodilweng, le ka nako e beilweng;

Esthere 9:29

Mofumahadi Esthere, moradi wa Abikaile, le Mojuda Mordekai, ba ngola ba neilwe matla wohle, ba tiisa lengolo la bobedi hodima Purime.

Dipesaleme 103:2

Boka Jehova, moya wa ka, o se ke wa lebala ditshitso tsohle tsa hae!

Dipesaleme 145:4

Leloko le leng a le ke le bolelle leloko le hlahlamang mesebetsi ya hao, le tumise diketso tsa hao tse phahameng!

Eksoda 12:17

Le tla nne le kgethe mokete wa bohobe bo se nang ditomoso, hobane e tla be e le ka letsatsi leo ke ntshitseng makgotla a lona naheng ya Egepeta; le tla boloka letsatsi leo melokong ya lona, ke taelo e sa feleng.

Sakaria 6:14

Haele meqhaka, e tla bewa tlung ya Jehova, e tle e be kgopotso ya Heleme, le ya Tobija, le ya Jedaia, le ya Hene mora Sofonia.

Joshua 4:7

le no re ho bona: Ke hobane metsi a Jordane a ne a kgaolwe pela areka ya selekane sa Jehova; mohla e tshelang Jordane, metsi a Jordane a kgaolwa; mme majwe ana ke kgopotso ya kamehlamehla ho bana ba Iseraele.