Eksoda 28:39 - Sesotho 1909/1961 (SO)

³⁹ O tla etsa kojwana ya lene e ntle e lohilweng; hape, o tla etsa moqhwele wa lene e ntle e lohilweng, hape o etse senyepa se homilweng.

BIBELE

³⁹ “O etse seaparo se fihlang maotong ka lesela le lene, le katiba o e etse ka lesela le jwalo, o be o etse le leqhama le homilweng.

Eksoda 28:39 ပူးပေါင်းရင်းမြစ်များ

Dipesaleme 45:14

O iswa ho morena hodima diphate tse mebalabala; thaka tsa hae tsa barwetsana di tla ho wena kamora hae,

Eksoda 26:36

O tle o etsetse monyako wa tente lesela la la purepera le sekarelata le krimsone le lene e ntle e lohilweng, e be mosebetsi o homilweng.

Eksoda 27:16

Haele monyako wa lebala, ho etswe lesela la wona le ditswe tse mashome a mabedi la purepera le sekarelata le krimsone le lene e ntle e lohilweng, e be lesela le homilweng; ho etswe le ditshiya tsa lona tse nne, le didulwana tsa tsona tse nne.

Eksoda 28:4

Mokgajwana, le efoda, le kobo, le kojwana e homilweng le moqhwele, le senyepa. Ba etsetse Aarone moholwane wa hao, le bara ba hae diaparo tse kgethehileng, ba tle ba etse mosebetsi wa boprista pela ka.

Eksoda 29:5

O tla nka diaparo, o apese Aarone kojwana, le kobo ya efoda, le efoda, le mokgajwana oo o tla o tlama hodima hae ka senyepa sa efoda;

Eksoda 29:6

o ntoo mo rwesa moqhwele hloohong, mme moqhweleng o bee lebenyane le kgethehileng.

Eksoda 29:8

Le bara ba hae o tla ba atametsa, o ba apese dikojwana;

Eksoda 39:27

Yaba ho etswa dikojwana tsa lene e ntle, tse lohilweng, e le tsa Aarone le bara ba hae;

Levitike 16:4

O tla ikapesa ka kojwana e kgethehileng ya lene, a tene mmeleng wa hae borikgwana ba lene, a itlame ka senyepa sa lene, a rwale lesela la lene hloohong; ke tsona diaparo tse kgethehileng, tseo a tlang ho ikapesa ka tsona, ha a se a hlatswitse mmele wa hae metsing.

Levitike 6:10

Moprista o tla apara kojwana ya hae ya lene; o tla apesa bofeela ba hae ka borikgwana ba lene, a ole molora wa setjheso se tjhesitsweng ka mollo aletareng, mme a o bee kathoko ho aletare.