Diproverbia 4:19 - Sesotho 1909/1961 (SO)

¹⁹ Empa tsela ya baetsadibe e jwaloka lefifi la bosiu, ha ba tsebe moo ba tla wela teng.

BIBELE

¹⁹ Tsela ya ba kgopo e ka fifi le letsho, ha ba tsebe se ba kgothometsang.

Diproverbia 4:19 ပူးပေါင်းရင်းမြစ်များ

Jobo 12:25

ba phopholetsa lefifing ho se lesedi, mme o ba diadieisa jwaloka batho ba tahilweng.

Jobo 18:18

O lelekwa leseding, a ye lefifing; o tloswa lefatsheng.

Jobo 5:14

Hosasa, ba thulana le lefifi, motshehare ba phopholetsa jwaloka hoja ke bosiu.

Dipesaleme 82:5

Ha ba na hlalefo, leha e le kutlwisiso; ba tsamaya lefifing; metheo kaofela ya lefatshe e a kgwehla.

Diproverbia 2:13

ba furaletseng tsela ya ho loka, ba tsamayang ka tsela ya lefifi,

Diproverbia 22:5

Meutlwa le difi di ka tseleng ya motho ya kgopo; ya itisang moya o tla di sesefa.

Jeremia 13:16

Neang Jehova, Modimo wa lona, letlotlo, a eso ho hlahise lefifi, maoto a lona a eso ho kgoptjwe dithabeng tsa bosiu, a eso ho fetole lesedi leo le le lebeletseng moriti wa lefu, le ho hlahisa botsho.

Jeremia 23:12

Ka baka leo, tsela ya bona ho bona e tla ba jwaloka nqalo e boreledi, e lefifi; ba tla kgothometswa, ba wele teng, hobane ke tla ba hlahisetsa tsietsi mohla ke ba kgalemelang; ho bolela Jehova.

Mattheu 15:14

Ba tloheleng; ke difofu tse tsamaisang difofu; sefofu ha se tsamaisa sefofu se seng, di tla wela sekoting tse pedi.

Mattheu 7:23

Mohlang oo, ke tla ba bolella pepeneneng, ke re: Ha ke a ka ka le tseba le mehla; ntloheleng, lona ba sebetsang bokgopo.

Johanne 11:10

Empa ha motho a tsamaya bosiu, a ka kgoptjwa, kahobane ha ho lesedi ho yena.

Johanne 12:35

Jesu a re ho bona: Le sa na le lesedi ka motsotso o se okae. Tsamayang ha le sa na le lesedi, hore lefifi le se ke la le tshwara; hobane ya tsamayang lefifing, ha a tsebe moo a yang teng.

1 Johanne 2:11

Empa ya hloileng ngwanabo, o lefifing, mme o tsamaya lefifing, mme ha a tsebe moo a yang teng, kahobane lefifi le foufaditse mahlo a hae.

1 Samuele 2:9

O tla tiisa maoto a ba mo ratang, bakgopo bona ba tla kgutsiswa lefifing; hobane ha ho motho ya ka hlolang ka matla a hae.