Diproverbia 31:26 - Sesotho 1909/1961 (SO)

²⁶ O ahlamisa molomo wa hae ka bohlale, molao o mosa o lelemeng la hae.

BIBELE

²⁶ Ha a etswa molomo o bua ka kelello, thuto tsa mosa di tswe lemeng la hae.

Diproverbia 31:26 ပူးပေါင်းရင်းမြစ်များ

Esthere 4:4

Barwetsana ba Esthere le matona a hae ba tla, ba mo tsebisa taba tseo. Mafumahadi a hlomoha haholo, mme a romela Mordekai diaparo ka ho re, a apare tsona, a hlobole lesela la hae le mahwashe; a mpa a se ke a di amohela.

Esthere 5:8

Ha ekaba ke fumane mohau mahlong a morena, ha morena a ka dumela ho nnea ka kopo ya ka le ho etsa ka qoso ya ka, ke re, morena a boele a tle le Hamane dijong tseo ke tla ba lokisetsa tsona, mme hosasane ke tla etsa ka polelo ya morena.

Diproverbia 10:31

Molomo wa ya lokileng o hlahisa tsa bohlale, empa leleme le kgopameng le tla qhwishilwa.

Diproverbia 12:18

E mong ha a bebera, puo tsa hae di hlaba jwaloka tsenene, empa molomo wa ya bohlale o a thoba.

Diproverbia 16:24

Puo tse ntle ke lekgeha la dinotshi, di monate moyeng wa motho, di matlafatsa masapo a hae.

Diproverbia 19:14

Ntlo le leruo ke lefa la bontata motho, empa mosadi ya kelello ke mpho ya Jehova.

Diproverbia 25:15

Morena o hlolwa ka sebete, mme leleme le bonolo le roba masapo.

Diproverbia 31:27

O alosa ntlo ya hae, ha a je bohobe ba botswa.

Sefela sa Salomone 2:14

Leebana la ka, le ikaheletseng mafarung a mafika le mahaheng a dilomo, o mpontshe sefahleho sa hao, o nkutlwise lentswe la hao; etswe lentswe la hao le le monate, mme sefahleho sa hao se le setle.

Sefela sa Salomone 4:11

Melomo ya hao, molebeletswa wa ka, e rotha dinotshi; dinotshi le lebese di katlasa leleme la hao; monko wa diaparo tsa hao eka monko wa Lebanone.

Malakia 2:6

Molao wa nnete o ne o le molomong wa hae, bolotsana bo ne bo sa fumanwe molomong wa hae; o ne a tsamaya le nna ka kgotso le ka ho loka, o bile a kgutlisa ba bangata bokgopong.

Luka 1:38

Maria a re: Bona, ke lekgabunyane la Morena, a nke ke etswe ka polelo ya hao! Yaba lengeloi le tloha ho yena.

Diketso 18:26

A qala ho bua sinagogeng a sa tshabe letho. Yare ha Akila le Prisilla ba mo utlwa, ba mo nkela ha bona, mme ba mo hlalosetsa tsela ya Modimo, ho feta kamoo a neng a e tseba pele kateng.

Diketso 6:15

Mme bohle ba dutseng kgotla ha ba mo hlaba ka mahlo, ba bona sefahleho sa hae se le jwaloka sefahleho sa lengeloi.

Baefese 4:29

Polelo e dihlong, leha e le nngwe, e se ke ya tswa melomong ya lona; empa ho tswe e ntle, e lokelang kgahiso, e tle e hlahisetse ba e utlwang molemo.

BaKolose 4:5

Tsamayang ka bohlale pela ba kantle, le ntse le lopolla dinako.

1 Petrose 3:1

Haele lona basadi, le utlwe banna bao e leng ba lona jwalo, hore leha ba bang ba ka ba teng ba sa dumeleng lentswe, ba mpe ba hapuwe, leha e ke ke ya eba ka lentswe, e be ka metsamao ya basadi ba bona,

Baahlodi 13:23

Mosadi wa hae a re ho yena: Hojane Jehova a ratile ho re bolaya, a ka be a sa ka a amohela setjheso le nyehelo matsohong a rona, mme a ka be a sa ka a re bontsha dintho tseo tsohle, leha e le ho re tsebisa taba tse kalo nakong ena.