Diproverbia 31:17 - Sesotho 1909/1961 (SO)

¹⁷ O itlama letheka ka matla, mme o matlafatsa matsoho a hae.

BIBELE

¹⁷ Theka la hae o le tlama hathata, a matlafatse le matsoho a hae.

Diproverbia 31:17 ပူးပေါင်းရင်းမြစ်များ

Genese 49:24

Empa seqha sa hae se dutse se tiile, mme matla a matsoho a hae a tiisitswe ke matsoho a senatla sa Jakobo, e leng Modisa le Lefika la Iseraele.

1 Marena 18:46

Akabe a kena koloing, a ya Jisreele. Letsoho la Jehova la eba hodima Elia: a itlama letheka, a titima pela Akabe ho ya fihla kgorong ya Jisreele.

2 Marena 4:29

Yaba Elisha o re ho Gehasi: Itlame letheka, o nke lere la ka ka letsoho la hao, o tsamaye; etlere ha o kgahlana le motho, o se ke wa mo dumedisa; ha motho a o dumedisa, o se ke wa mo araba; o bee lere la ka hodima sefahleho sa ngwana.

Jobo 38:3

Jwale, o itlame letheka jwaloka monna, ke tle ke o botse, mme o nthute.

Diproverbia 31:16

O kgahlwa ke tshimo, a ye a e reke; ka tseo a di sebeleditseng, o hloma tshimo ya merara.

Diproverbia 31:18

O thabela leruo la mahlahahlaha a hae; le bosiu lebone la hae ha le time.

Isaia 44:12

Lelala le tea selepe, le sebetsa mollong wa mashala; le se bopa ka noto, le se sebetsa ka matla a matsoho a lona; le be le lape, le fellwe ke matla; leha le sa nwe metsi, le ye le fokole hampe.

Hosea 7:15

Nna ke ba rutile, ke bile ke tiisitse matsoho a bona, athe ba rerile bobe hodima ka.

Luka 12:35

Matheka a lona a tlangwe, mme mabone a lona a tuke.

Baefese 6:10

Qetellong, banabeso, tiyang Moreneng le matleng a hae a sa sitweng ke letho.

Baefese 6:14

Tiyang ke hona, le ntse le itlamile matheka ka senyepa sa nnete, mme le apere tshireletso ya sefuba, e leng ho loka.

1 Petrose 1:13

Jwale he lona, itlameng matheka a dikelello tsa lona, le phele ka boitshwaro, le lete ka tshepo e tiyang mohau oo le tla o tlisetswa mohla Jesu Kreste a hlahang.