Diproverbia 30:17 - Sesotho 1909/1961 (SO)

¹⁷ Leihlo la motho ya somang ntatae, ya nyedisang thuto ya mmae, makgwaba a molapo a tla le honya, madinyane a ntsu a le je.

BIBELE

¹⁷ “Leihlo le tshehang ntata lona, le nyedisang taelo ya mma lona, makgwaba a dikgohlo a tla le honya, mme madinyane a ntsu a le je.

Diproverbia 30:17 ပူးပေါင်းရင်းမြစ်များ

2 Samuele 21:10

Yaba Ritspa, moradi wa Aja, o nka lesela le mahwashe, a ikalla lona hodima lefika, haesale ho qalwa ho kotulwa, ho isa ha metsi a lehodimo a nela ditopo tsa bona, a se ke a dumella dinonyana tsa lehodimo ho tla dula hodima tsona motshehare, leha e le dibatana tsa naha bosiu.

Diproverbia 15:20

Ngwana ya bohlale o thabisa ntatae; empa ngwana ya lehlanya o nyedisa mmae.

Diproverbia 20:20

Ya rohakang ntatae le mmae, lebone la hae le tla tima lefifing.

Diproverbia 23:22

Mamela ntatao ya o tswetseng, o se ke wa nyedisa mmao, ha a tsofetse.

Diproverbia 30:11

O teng moloko o mong o rohakang ntata wona, o sa hlohonolofatseng le mma wona.

Diproverbia 30:18

Ntho tse tharo di teng tse ntlhollang, nka re, di nne tseo ke sa di tsebeng:

Levitike 20:9

Mang le mang ya rohakang ntatae, leha e le mmae, o tla bolawa; o rohakile ntatae le mmae: madi a hae a tla ba hodima hae.

Malakia 1:6

Mora o hlonepha ntatae, le mohlanka o hlonepha morena wa hae. Haeba ke ntata lona, e kae hlonepho e ntokelang? Ha ke le morena wa lona, e kae tshabo eo le ntshabang ka yona? ho bolela Jehova wa makgotla ho lona baprista ba nyedisang lebitso la ka; athe le re: Re nyedisa lebitso la hao kang?

Deuteronoma 28:26

Setopo sa hao e tla ba sejo sa dinonyana tsohle tsa lehodimo, le sa dibatana tsa lefatshe, ho se motho ya di tshosang.

1 Samuele 17:44

Mofilesta a eketsa a re ho Davida: Tloo ho nna, ke nee dinonyana tsa lehodimo le dibatana tsa naha nama tsa hao.