Diproverbia 3:7 - Sesotho 1909/1961 (SO)

⁷ O se ke wa ipona bohlale. Tshaba Jehova, o sesefe bobe.

BIBELE

⁷ O se ipone o le bohlale, tshaba Morena, o sesefe bobe.

Diproverbia 3:7 ပူးပေါင်းရင်းမြစ်များ

2 Samuele 12:20

Yaba Davida o tsoha fatshe, a itlhatswa, a tlola, a apara diaparo disele; a kena tlung ya Jehova, a kgumama teng, a ba a boela hae, a qela dijo, mme ba mo tlisetsa, a ja.

Nehemia 5:15

Athe babusisi ba pele, ba nnileng ba eba teng pele ho nna ba ne ba imeditse setjhaba, ba nka bohobe le veine ho sona, ba nka le dishekele tse mashome a mane tsa silefera; hape, bahlanka ba bona ba ne ba busa ka thata hodima setjhaba; empa nna, ha ke a ka ka etsa jwalo ka baka la ho tshaba Modimo.

Jobo 1:1

Monna o ne a le teng naheng ya Utse; lebitso la hae e le Jobo; e ne e le motho ya tsamayang ka ho loka le ka bokgabane, ya tshabang Modimo, ya sesefang bobe.

Jobo 28:28

Wa ntoo re ho motho: Bona, ho tshaba Morena ke bona bohlale; ho sesefa bobe ke yona kutlwisiso.

Eksoda 20:20

Moshe a re ho setjhaba: Se tshoheng, feela ke Modimo o tlileng ho le leka, hore le nne le o tshabe, le tle le se ke la etsa sebe.

Diproverbia 14:16

Ya bohlale o na le tshabo, o sesefa bobe; empa ya thotofetseng o tlatselela feela, mme o a itshepa.

Diproverbia 14:27

Ho tshaba Jehova ke sediba sa bophelo, ho qobisa batho mamena a lefu.

Diproverbia 16:6

Makgopo a phekolwa ke mohau le nnete, mme ke ka ho tshaba Jehova batho ba phemang bobe.

Diproverbia 23:4

O se ke wa ikgathatsa ho bokella leruo; tlohela kgopolo ya teng.

Diproverbia 26:12

Ana o bone motho ya iponang bohlale? Lehlanya le tshepisa ho fetisa eo.

Diproverbia 26:5

O fetole lehlanya ka tsa bohlanya ba lona, esere mohlomong la ipona bohlale mahlong a lona.

Diproverbia 28:11

Morui o bohlale mahlong a hae, empa o lemohuwa ke mofutsana ya kelello.

Diproverbia 28:26

Ya itshepelang pelo ya hae ke lehlanya; empa ya tsamayang bohlaleng, o tla pholoha.

Diproverbia 8:13

Ho tshaba Jehova ke ho hloya bobe. Ke hloile boikgantsho le boikgohomoso, motsamao o mobe le molomo o kgopo;

Moeklesia 12:13

Bofello ba taba tseo kaofela ke jona: Tshaba Modimo, o boloke ditaelo tsa wona, hobane, ke yona tshwanelo yohle ya motho;

Isaia 5:21

Ho madimabe ba ipeileng bohlale mahlong a bona, ba itshepetseng kelello ya bona!

Baroma 11:25

Hobane, banabeso, ha ke rate hore le se ke la tseba sephiri sena, le tle le se ke la ipona le le bohlale: ke ho re, ho thatafala ho hlahetse Baiseraele ka nqa e nngwe, ho tlala ha baditjhaba ho be ho kene.

Baroma 12:16

Kgomarelanang hammoho ka pelo e le nngwe; le se ke la lakatsa tse phahameng, le mpe le ipapise le tse nyenyane. Le se ke la ipona bohlale.