Diproverbia 3:5 - Sesotho 1909/1961 (SO)

⁵ O tshepe Jehova ka pelo ya hao yohle, o se ke wa itshepa hlalefo ya hao.

BIBELE

⁵ Tshepa Morena ka pelo ya hao yohle, o se ke wa tshepa bohlale ba hao.

Diproverbia 3:5 ပူးပေါင်းရင်းမြစ်များ

Esdrase 8:23

Ra itima dijo jwalo, mme ra batla thuso ho Modimo wa rona, mme wa re utlwa.

Jobo 13:15

Bonang, o ka mpolaya, ha ho sa le kamoo nka tshepang kateng. Ke mpa ke rata ho hlahisa mekgwa ya ka pela wona;

Dipesaleme 125:1

Ba itshepetseng Jehova ba jwaloka thaba ya Sione e ke keng ya sisinyeha, e tiileng ka ho sa feleng.

Dipesaleme 37:3

O be le tshepo ho Jehova, o etse ho hotle; o ahe lefatsheng, o ikgorisetse nneteng.

Dipesaleme 37:5

O laeletse tsela ya hao ho Jehova, o mo tshepe; ho tla sebetsa yena.

Dipesaleme 37:7

O lebelle Jehova o ikgutseditse, o itshepise ka yena. O se ke wa hlora ka baka la ya atlehang tseleng ya hae, ka baka la motho ya leseho bolotsaneng ba hae.

Dipesaleme 62:8

Lona, setjhaba, le itshepise ka wona kamehla, le tshollele dipelo tsa lona pela wona! Modimo ke setshabelo sa rona. (Sela.)

Diproverbia 22:19

Kajeno ke o rutile, wena ka sebele, hore o bee tshepo ya hao ho Jehova.

Diproverbia 23:4

O se ke wa ikgathatsa ho bokella leruo; tlohela kgopolo ya teng.

Diproverbia 28:26

Ya itshepelang pelo ya hae ke lehlanya; empa ya tsamayang bohlaleng, o tla pholoha.

Diproverbia 3:7

O se ke wa ipona bohlale. Tshaba Jehova, o sesefe bobe.

Isaia 12:2

Bonang, Modimo ke poloko ya ka, ke na le tshepo, nke ke ka tshaba letho; hobane Jehova, Jehova ke matla a ka le sefela sa ka; o ikentse Mmoloki wa ka.

Jeremia 10:23

Oho! Jehova, ke a tseba hobane tsela ya motho ha e matleng a hae, mme motho ya tsamayang a ke ke a lokisa dika tsa hae.

Jeremia 9:23

Ho itswe ke Jehova: Ya leng bohlale a se ke a ithorisa bohlaleng ba hae, ya matla a se ke a ithorisa matleng a hae, mofumi a se ke a ithorisa lefumong la hae.

Numere 9:20

Le ha leru le ne le dula hodima tabenakele matsatsi a seng makae, ba ne ba emisa ka taelo ya Jehova, mme ba ne ba tloha ka taelo ya Jehova.

Numere 9:22

Ha leru le ne le dula hodima tabernakele matsatsi a mabedi, kapa kgwedi, kapa ho fetisa kgwedi, bana ba Iseraele ba ne ba hlola teng ba emisitse, ba sa tlohe; ha le ne le phahama, ba ne ba tloha.

Baroma 12:16

Kgomarelanang hammoho ka pelo e le nngwe; le se ke la lakatsa tse phahameng, le mpe le ipapise le tse nyenyane. Le se ke la ipona bohlale.

Baefese 1:12

re tle re be thoriso ya kganya ya hae, rona ba tshepileng Kreste pele.