Diproverbia 3:33 - Sesotho 1909/1961 (SO)

³³ Thohako ya Jehova e ka tlung ya moetsadibe, empa o hlohonolofatsa ntlo ya ba lokileng.

BIBELE

³³ Morena o rohaka malapa a ba kgopo; o hlohonolofatsa a ba lokileng.

Diproverbia 3:33 ပူးပေါင်းရင်းမြစ်များ

2 Samuele 6:11

Areka ya Jehova ya dula ha Obed-Edomo wa Gathe kgwedi tse tharo; mme Jehova a hlohonolofatsa Obed-Edomo le ntlo ya hae kaofela.

Jobo 24:18

Le re: Ba babe ba feta kapele jwaloka ntho e thellang hodima metsi. Lefa la bona le rohakilwe lefatsheng; ha ba sa leba nqa dirapeng tsa merara.

Jobo 31:12

Efela ke mollo o ka tjhang ho isa sehokong, o tshwanetseng ho fothola maruo a ka kaofela.

Dipesaleme 1:3

O jwaloka sefate se hlomilweng pela metsi a kwellang, se beang ditholwana tsa sona ka kgwedi ya tsona, seo mahlaku a sona a sa foforeheng; seo a se etsang kaofela se a mo atla.

Dipesaleme 37:22

hobane ba hlohonolofatswang ke Jehova ba tla ja lefa la lefatshe, empa bao a ba rohakang ba tla fediswa.

Dipesaleme 91:10

Ka baka leo, tlokotsi e ke ke ya fihla ho wena, kotsi e ke ke ya atamela tente ya hao;

Diproverbia 10:6

Motho ya lokileng o rwetse mahlohonolo hloohong, empa lonya le aparetse melomo ya e mobe.

Diproverbia 14:11

Ntlo ya e mobe e tla ripitlwa; empa motlotlwane wa ba lokileng o tla tiya.

Diproverbia 15:6

Ka tlung ya motho ya lokileng ho na le matlotlo; empa leruo la e mobe lona ke pelaelo.

Diproverbia 21:12

Ya kgabane o lemoha ntlo ya e mobe; Jehova o senya ba babe ka baka la diketso tsa bona tse mpe.

Malakia 2:2

Ha le sa utlwe, le sa hlokomele ho tlotlisa lebitso la ka, ho bolela Jehova wa makgotla, ke tla romela thohako hodima lona, ke rohake dihlohonolofatso tsa lona; e, ke bile ke di rohakile, hobane ha le hlokomele letho.

Deuteronoma 11:28

thohako ha le sa utlwe ditaelo tsa Jehova, Modimo wa lona, mme le kgeloha tsela eo ke le laelang yona kajeno, le latela medimo esele, eo le sa kang la e tseba, le mehla.

Deuteronoma 7:26

O se ke wa kenya ntho e manyala tlung ya hao, esere mohlomong wa neelwa anathema jwaloka ntho eo; e tshabe haholo, mme o e ile haholo, hobane ke anathema.

Joshua 6:18

Haele lona, le fele le tshabe dintho tse entsweng anathema, esere mohlomong la nka ntho tse entsweng anathema, la etsa diahelo tsa Iseraele anathema, mme la di senya.

Joshua 7:13

Ema, o hlwekise setjhaba, o re: Le itlhwekisetse hosasane, hobane ho itswe ke Jehova, Modimo wa Iseraele: Anathema e teng ho wena, Iseraele; o ke ke wa ema pela dira tsa hao, anathema e eso ho tloswe hara lona.