Diproverbia 29:7 - Sesotho 1909/1961 (SO)

⁷ Motho ya lokileng o utlwisisa nyewe ya bafumanehi; empa e mobe ha a e utlwisise, ha a e tsebe.

BIBELE

⁷ Ya lokileng o hlokomela tokelo tsa bafumanehi, empa ya kgopo yena ha a di natse ka letho.

Diproverbia 29:7 ပူးပေါင်းရင်းမြစ်များ

Jobo 29:16

ke ne ke le ntata mofutsana, ke ne ke botsisisa taba ya motho leha ke sa mo tsebe;

Jobo 31:13

Ha ekaba ke hanne tokelo ya mohlanka wa ka e motona, kapa ya e motshehadi, mohla ba tsekisanang le nna,

Jobo 31:21

ha ekaba letsoho la ka le kile la otla kgutsana, kahobane ke bone ha ke emetswe ke ba dutseng kgorong;

Dipesaleme 31:7

Ke tla ithabisa, ke ithabisetse mohaung wa hao; ka baka la hobane o lemohile bomadimabe ba ka, o qamakisitse matswalo a moya wa ka,

Dipesaleme 41:1

Ho lehlohonolo ya hlokomelang ya lesitsi!

Dipesaleme 72:12

Hobane o tla boloka ya lesitsi ha a howa, le ya madimabe ya hlokang mothusi;

Diproverbia 21:13

Ya ithibang ditsebe hore a se ke a utlwa dillo tsa mosenyehi, o tla lla le yena, empa a ke ke a lemohuwa ke motho.

Jeremia 5:28

Ba nonne, ba sotse, le hona ba tlodisa bobe bo ka bolelwang. Ho ahloleng ha ba ahlole, ha ba ahlolele kgutsana, mme ba atleha; ha ba etsetse nyewe ya mafutsana kahlolo.

Ezekiele 22:7

Ha hao, batho ba rohaka bontata bona le bomma bona; ha hao, moditjhaba o a tujwa; ha hao, kgutsana le mosadi wa mohlolohadi ba hatakelwa.

Bagalata 6:1

Banabeso, ekare ha motho a wela molatong o mong, lona bao le leng ba moya, le ke le mo tsose ka moya o mosa; mme o iponele, esere wa lekwa le wena.

1 Samuele 25:25

Monghadi wa ka a se ke a tsotella motho eo ya bohale, Nabale; hobane o ka lebitso la hae; lebitso le hae ke Nabale (lewatla); mme bowatla bo ho yena. Haele nna, ke le lekgabunyane la hao, ha ke a ka ka bona bahlankana bao monghadi wa ka a kileng a ba roma.