Diproverbia 28:16 - Sesotho 1909/1961 (SO)

¹⁶ Morena ya se nang temoho ke motshwenyi e moholo; empa ya hloileng ho ja batho o tla eketsa ditshiu tsa ho phela ha hae.

BIBELE

¹⁶ Mmusi ya sethoto ke mmampodi ya sehloho; ya hloileng maruo a bolotsana o tla phela halelele.

Diproverbia 28:16 ပူးပေါင်းရင်းမြစ်များ

1 Marena 12:10

Banna ba batjha, ba neng ba hodile le yena, ba mo araba, ba re: E re ho setjhaba sena se o boleletseng, sa re: Ntatao o re jarisitse joko e boima, wena, o e qephise; e re ho bona: Monwana wa ka o monyenyane o motenya ho letheka la ntate.

1 Marena 12:14

A bolela keletso ya banna ba batjha, a re: Ha ntate a le jarisitse joko e boima, nna ke tla le ekeletsa; ntate yena o le otlile ka diphafa, nna ke tla le otla ka diphepheng.

Nehemia 5:15

Athe babusisi ba pele, ba nnileng ba eba teng pele ho nna ba ne ba imeditse setjhaba, ba nka bohobe le veine ho sona, ba nka le dishekele tse mashome a mane tsa silefera; hape, bahlanka ba bona ba ne ba busa ka thata hodima setjhaba; empa nna, ha ke a ka ka etsa jwalo ka baka la ho tshaba Modimo.

Eksoda 18:21

O ikgethele banna ba bohlale hara setjhaba, ba tshabang Modimo, banna ba sebele, ba ilang bokgonatha; o ba bee balaodi ba dikete, balaodi ba makgolo, balaodi ba mashome a mahlano le balaodi ba mashome.

Diproverbia 15:27

Ya ineelang leruo le sa lokang o sotofatsa ntlo ya hae; haele ya hloileng dimpho tse hokang, o tla phela.

Moeklesia 10:16

Ho madimabe lefatshe leo morena wa lona e leng ngwana, leo mahosana a lona a jang e sa le hosasa!

Moeklesia 4:1

Ka boela ka lemoha dihloriso tsohle tse etswang tlasa letsatsi, mme ka bona meokgo ya ba hloriswang, ho mpa ho se ya ba tshedisang. Ka nqa ho bahlorisi ba bona, ka bona bothata, ho mpa ho se monamoledi.

Isaia 3:12

Haele setjhaba sa ka, se hatakelwa ke bana, basadi ba se busa. A setjhaba sa ka! batsamaisi ba hao ba o kgelosa, ba senya tsela eo o tsamayang ka yona.

Amose 4:1

Utlwang lentswe lena, lona dithole tsa Bashane tse thabeng ya Samaria, lona le hlorisang ba banyenyane, le tshwenyang mafutsana, le reng ho banna ba lona: Tlisang, re nwe!