Diproverbia 26:21 - Sesotho 1909/1961 (SO)

²¹ Mashala a matsho a etsa mashala a hlenneng, patsi e hotetsa mollo; ho jwalo motho ya dikomang, o tukisa dikgang.

BIBELE

²¹ Mashala a tswala leupa, patsi e hotetsa mollo, motho wa dikgang yena o fehla diqabang.

Diproverbia 26:21 ပူးပေါင်းရင်းမြစ်များ

2 Samuele 20:1

Bakeng sena, ha hlaha monna wa Beliale, bitso la hae e le Sheba, mora Bikri, monna wa Benjamine; a letsa terompeta, a re: Ha re na kabelo ho Davida, hape ha re na lefa ho mora Jese; oho Iseraele, e mong le e mong a boele tenteng ya hae.

1 Marena 12:20

Yare Baiseraele bohle ha ba utlwa hore Jeroboame o boile, ba romela ho mmiletsa phuthehong; teng, ba mmea morena wa Baiseraele bohle, ho se leloko le latetseng ntlo ya Davida, haese la Juda le nnotshi.

Dipesaleme 120:4

O tla putswa ka metsu e ntjhotjho ya mohale, le ka mashala a hlenneng a sehalahala.

Diproverbia 10:12

Hloyo e hotetsa dikomang, empa lerato le apesa ditshito tsohle.

Diproverbia 15:18

Motho ya bohale o hotetsa phapang; empa ya diehang ho hlonama o tima dikomang.

Diproverbia 29:22

Motho ya bohale o butswela dikgang; ya phakisang ho halefa, dibe tsa hae di ba ngata.

Diproverbia 30:33

Hobane ho fehla lebese ho hlahisa sereledi; ho penya dinko ho hlahisa madi; mme ho hotetsa bohale ho hlahisa dikomang.