Diproverbia 25:28 - Sesotho 1909/1961 (SO)

²⁸ Motho ya hlolwang ke ho busa pelo ya hae, ke motse o kenweng ke dira, o se nang lerako.

BIBELE

²⁸ Motho ya hlolwang ho bipa kgalefo ya hae o tshwana le motse o marako a heleditsweng.

Diproverbia 25:28 ပူးပေါင်းရင်းမြစ်များ

2 Dikronike 32:5

A ipha matla, mme a tsosa lerako lohle le dikgeo, a le phahamisetsa ho le fihlisa ditoreng, mme a haha lerako le leng kantle ho lona; hape a matlafatsa Millo motseng wa Davida, mme a etsa dibetsa tse ngata le dithebe tse ngata.

Nehemia 1:3

ba re ho nna: Masala a setseng a kgoleho, a ahileng naheng yane, a mahlomoleng a maholo le sekgobong; lerako la Jerusalema le ntse le le dikgeo, le mamati a teng a dutse a tjhele ke mollo.

Diproverbia 16:32

Ya diehang ho halefa o fetisa mohale; ya hlolang pelo ya hae o fetisa ya hapang metse.

Diproverbia 19:18

Laya ngwana hao ha tshepo e sa le teng; empa o se ke wa mo thoothellwa ho mmolaya.

Diproverbia 19:19

Motho ya bohale o tla jara kotlo ya teng; ha o mo lopolla, o tla boela a sebe.

Diproverbia 22:24

O se ke wa tlwaelana le motho ya bohale, o se ke wa tsamaya le ya hlonamang,

1 Samuele 20:30

Ebile Saule o halefela Jonathane, a re ho yena: Ngwana ya lonya, ya ikgantshang, ha ke re, ke a tseba hobane o ikgethetse mora Jese hore ka yena o hlabiswe dihlong le bona bofeela ba mmao na?

1 Samuele 25:17

Jwale, o ka tseba, le ho bona seo o ka se etsang; hobane monga rona le bohle ba ntlo ya hae ba se ba reretswe bobe; hape, ke motho ya bohale, ha ho motho ya ka buang le yena.