Diproverbia 24:28 - Sesotho 1909/1961 (SO)

²⁸ O se ke wa ba paki feela ho lwantsha wa heno; o ka thetsa jwang ka melomo ya hao?

BIBELE

²⁸ O se be paki e tswang mohaeno ntle ho lebaka, polelo tse thetsang di se tswe molomong wa hao.

Diproverbia 24:28 ပူးပေါင်းရင်းမြစ်များ

Jobo 2:3

Jehova a re ho Satane: Na o lemohile Jobo, mohlanka wa ka, na? Hobane ha ho ya jwaloka yena lefatsheng, ya tsamayang ka ho loka le ka bokgabane, ya tshabang Modimo, ya sesefang bobe; o sa tiiseditse tokeng ya hae, leha o ntlhohlelleditse ho mo etsa hampe feela.

Dipesaleme 35:11

Dipaki tsa leshano di ntsohella ho mpotsisisa seo ke sa se tsebeng.

Dipesaleme 35:7

Hobane leha ho bo ho se molato, ba tjhekile lemena pela maoto a ka, ba tjheketse bophelo ba ka feela.

Dipesaleme 52:1

Wena mohale, o ithorisa keng ka bolotsana ba hao? Mohau wa Modimo ke wa kamehla.

Eksoda 20:16

O se ke wa etselletsa wa heno ka leshano.

Eksoda 23:1

O se ke wa tsamaisa taba ya leshano. O se ke wa emela e mobe, hore o be paki ya bohata bo etswang ke yena.

Diproverbia 14:5

Paki e tshepehang e ke ke ya bolela leshano; empa paki e mano e fefetha mashano feela.

Diproverbia 19:5

Paki ya bohata e ke ke ya phema kotlo, mme motho ya mano a ke ke a phonyoha.

Diproverbia 19:9

Paki ya bohata e ke ke ya phema kotlo; ya bolelang mashano o tla timela.

Diproverbia 21:28

Paki ya leshano e tla timela; empa motho ya mamelang o tla bua, a be a hlole.

Diproverbia 25:18

Motho ya pakang leshano ho senya wa habo, ke molamu, le lerumo, le motsu o ntjhotjho.

Diproverbia 26:19

a re: Na ke ne ke sa bapale na?

Levitike 19:11

Le se ke la utswa, mme le se ke la thetsana ka mashano, leha e le ho phoma ba bang.

Levitike 6:2

Ekare ha e mong a etsa sebe, mme a etsa ho sa lokang pela Jehova, ka ho thetsa wa habo ka ntho e beilweng ho yena, leha e le ka ntho e beilweng polokong ya hae, leha e le ka ntho e utswitsweng, leha e le ka ntho e nkilweng ka mano,

Levitike 6:3

leha e le ka ho latola ntho eo a e thotseng, e neng e lahlehile, kapa ka ho hlapanya ka leshano hodima ntho efe le efe eo ho ka thweng ke sebe;

Mattheu 27:23

Mmusisi a re: Na o entse bobe bofe? Empa ba totisa ho howa, ba re: A thakgiswe!

Johanne 15:25

Empa e le hore lentswe le ngodilweng molaong wa bona le etsahale, le reng: Ba ntlhoile feela.

Baefese 4:25

Ka baka leo, le ke le tele leshano, mme e mong le e mong a bolele nnete ho wa habo; hobane re ditho ba bang tsa ba bang.

BaKolose 3:9

Le se ke la thetsana ka mashano; le hlobole motho wa kgale le diketso tsa hae;

Tshenolo 21:8

Empa ha e le ba boi, le ba sa dumelang, le ba manyala, le babolai, le bafebi, le baloi, le ba rapelang medimo, le mahata kaofela, kabelo ya bona e ka letsheng le tukileng hampe la mollo le sebabole: hona ke lefu la bobedi.

Tshenolo 22:15

Empa kantle ho tla sala dintja, le baloi, le bafebi, le babolai, le ba rapelang medimo ya bohata, le bohle ba ratang leshano, le ba le etsang.