Diproverbia 24:1 - Sesotho 1909/1961 (SO)

¹ O se ke wa honohela ba bolotsana, o se ke wa lakatsa ho dula le bona;

BIBELE

¹ O se ke wa kgahlwa, wa kgahlwa ke ba kgopo, o se lakatse ho etsa setswalle le bona,

Diproverbia 24:1 ပူးပေါင်းရင်းမြစ်များ

Dipesaleme 1:1

Ho lehlohonolo motho ya sa lateleng keletso ya bakgopo, ya sa emeng tseleng ya baetsadibe, ya sa duleng mokgatlong wa basomi;

Dipesaleme 26:9

O se ke wa tlosa moya wa ka le baetsadibe, leha e le bophelo ba ka le ba batho ba madi,

Dipesaleme 37:1

O se ke wa hlora ha o bona ba bolotsana, o se ke wa honohela ba etsang ho hobe!

Dipesaleme 37:7

O lebelle Jehova o ikgutseditse, o itshepise ka yena. O se ke wa hlora ka baka la ya atlehang tseleng ya hae, ka baka la motho ya leseho bolotsaneng ba hae.

Dipesaleme 73:3

hobane ke ne ke honohela baikakasi, ha ke bona lehlohonolo la banyefodi.

Diproverbia 13:20

Ya tsamayang le ba bohlale o tla hlalefa; empa ya tlwaelaneng le mawatla o tla senyeha.

Diproverbia 23:17

Pelo ya hao e se ke ya honohela ba babe, o mpe o hlole o tshaba Jehova kamehla,

Diproverbia 24:19

O se ke wa belaela ka baka la ba bolotsana, o se ke wa honohela baetsadibe;

Diproverbia 3:31

O se ke wa kgahlwa ke ho itshwantsha le motshwenyi, mekgweng ya hae o se ke wa inkela leha o le mong.

Diproverbia 4:14

O se ke wa kena tseleng ya ba bolotsana, o se ke wa hata le mmileng wa bakgopo.

Diproverbia 4:15

Sikoloha, o se ke wa ba wa leba teng, o kgelohe, o iphetele.