Diproverbia 21:9 - Sesotho 1909/1961 (SO)

⁹ Ho ikahela ntlheng ya marulelo ho molemo ho ena le ho dula tlung e kgolo hammoho le mosadi wa dikomang.

BIBELE

⁹ Ho molemo ho iphelela sekgutlwaneng, kahodima marulelo a ntlo, ho ena le ho phela le mmadikomang, ho phela le yena ka tlung e le nngwe.

Diproverbia 21:9 ပူးပေါင်းရင်းမြစ်များ

Diproverbia 12:4

Mosadi ya kgabane ke moqhaka ho monna wa hae; empa ya hlabisang dihlong o jwaloka ho bola masapong a hae.

Diproverbia 15:17

Ho ja meroho feela moo lerato le leng teng, ho monate ho ena le ho ja kgomo e nonneng, moo ho nang le hloyano.

Diproverbia 17:1

Ho monate ho ja phate feela moo kgotso e leng teng, ho ena le ho dula tlung e tletseng dinama, moo dikomang di leng teng.

Diproverbia 19:13

Ngwana ya lehlaswa ke tlokotsi ho ntatae, empa mosadi wa dikomang ke metsi a sa kgaotseng ho rotha dintshing tsa ntlo.

Diproverbia 21:10

Moya wa ya lonya o eletsa bobe, esita le wa habo ha a fumane mohau mahlong a hae.

Diproverbia 21:19

Ho ikahela feelleng ho molemo ho ena le ho dula le mosadi wa dikomang, ya bohale.

Diproverbia 21:8

Motho eo tsela ya hae e leng kgopokgopo, o furallane le botle; empa diketso tsa motho ya kgabane di lokile.

Diproverbia 25:24

Ho ikahela ntlheng ya marulelo a ntlo, ho molemo ho ena le ho dula ka tlung e kgolo le mosadi ya omanang.