Diproverbia 21:16 - Sesotho 1909/1961 (SO)

¹⁶ Motho ya kgelohang tsela ya hlalefo o tla fella sebokeng sa bafu.

BIBELE

¹⁶ Ya kgelohang tsela ya kutlwisiso pheletso ya hae ke ho phomola hara bafu.

Diproverbia 21:16 ပူးပေါင်းရင်းမြစ်များ

Dipesaleme 125:5

Haele ba kgelohang, ba yang ka ditsela tse tswedikaneng, Jehova a ke a ba timetse hammoho le ba sebetsang bokgopo! Kgotso e be ho Iseraele!

Dipesaleme 49:14

Ba soteletswa jwaloka dinku nqalong ya bafu, moo lefu e tla ba modisa wa bona; ka hosasa, ba lokileng ba tla bewa marena a bona; bokgabane ba bona bo ya fela, nqalo ya bafu ke moo ba tla aha teng.

Diproverbia 11:19

Ho loka ha sebele ho isa bophelong; haele ya latelang bobe, yena o mathela lefung.

Diproverbia 13:20

Ya tsamayang le ba bohlale o tla hlalefa; empa ya tlwaelaneng le mawatla o tla senyeha.

Diproverbia 19:16

Ya bolokang molao o boloka moya wa hae, empa ya sa hlokomeleng tsela ya hae o tla timela.

Diproverbia 2:13

ba furaletseng tsela ya ho loka, ba tsamayang ka tsela ya lefifi,

Diproverbia 5:23

O tla shwa ke ho se rutehe, a lahlehe ke bowatla bo boholo ba hae.

Diproverbia 9:18

Athe eo ha a tsebe hobane ke moo bafu ba leng teng, le hoba ba lallang le bona ba mohohlong wa nqalo ya bafu.

Ezekiele 18:24

Empa ekare ha ya lokileng a kgeloha ho loka ha hae, a etsa bokgopo, ha a ka ya ka manyala wohle a etswang ke e mobe, na o tla phela na? Ho loka hohle ha hae hoo a neng a ho entse ha ho ka ke ha hopolwa; o tla shwa ka bolotsana boo a bo entseng le ka sebe seo a se entseng.

Sofonia 1:6

le ba furaletseng Jehova, le ba sa batleng Jehova, ba sa mo hlokomeleng.

Baefese 2:1

O le tsositse jwalo le lona le neng le shwele melatong ya lona le dibeng tsa lona;

BaHebheru 10:38

Mme ya lokileng o tla phela ke tumelo; empa ekare ha a kweneha, moya wa ka ha o kgahliswe ke yena.

1 Johanne 2:19

Ba tswile ho rona, empa e ne e se ba rona; hobane hoja e be e le ba rona, ba ka be ba setse ho rona; empa hoo ho hlahile hore ho tle ho bonahale hobane bohle hase ba rona.

Yuda 1:12

Bao ke dikodi meketeng ya lona ya lerato, ha ba ntse ba eja le lona; ba kgora hampe, ba se na dihlong; ke maru a se nang pula, a fefolwang ke moya; ke difate tse hlohlorehileng, tse sa beheng, tse shweleng habedi, tse fothotsweng;