Diproverbia 20:3 - Sesotho 1909/1961 (SO)

³ Ke thoriso ho motho ho intsha tsekong; empa lehlanya le phehella ho yona.

BIBELE

³ Ke tlotla ho kgaohana le diqabang, sethoto sona ke maratahelele!

Diproverbia 20:3 ပူးပေါင်းရင်းမြစ်များ

Genese 13:7

Yaba qabang e hlaha mahareng a badisa ba mehlape ya Abrame le badisa ba mehlape ya Lota. Mehleng eo Bakanana le Baferese ba ne ba ahile naheng eo.

Genese 13:8

Yaba Abrame o re ho Lota: Oho! qabang e se ke ya eba teng mahareng a ka le wena, kapa mahareng a badisa ba ka le badisa ba hao, hobane re bana ba motho a le mong.

2 Marena 14:9

Empa Joase, morena wa Iseraele, a romela ho Amatsia, morena wa Juda, a re: Tshehlo ya Lebanone e kile ya romela ho kedare ya Lebanone, ya re: Neela mora ka moradi wa hao, e be mosadi wa hae. Empa ha feta dibatana tsa naha, tsa Lebanone, tsa hatakela tshehlo.

Diproverbia 14:17

Motho ya bohale o etsa tsa bowatla, mme ya ditaba tse lonya o a hlouwa.

Diproverbia 14:29

Ya diehang ho halefa o na le kelello e kgolo; empa ya pelo e befang kapele o hlahatsa bothoto.

Diproverbia 16:32

Ya diehang ho halefa o fetisa mohale; ya hlolang pelo ya hae o fetisa ya hapang metse.

Diproverbia 17:14

Ho qala phapang ke ho phunya metsi; ka baka leo, kgang ha e eso ho hotele, o e tlohele.

Diproverbia 18:6

Melomo ya sethoto e se kenya diphapang, leleme la sona le mema melamu.

Diproverbia 19:11

Maele a motho a mo etsa ya sebete; kganya ya hae ke ho mamella ho sitelwa ke ba bang.

Diproverbia 21:24

Mosomi ke lebitso la motho ya ikgohomosang, ya mabela, ya etsang tsohle a rwetse boikgomoso.

Diproverbia 26:17

Mofetakatsela ya kenang komang tsa ba bang ka bohale, o tshwara ntja ka ditsebe.

Baefese 4:32

Le rekolohelane, le hauhelane, le tshwarelane, jwalokaha Modimo le wona o le tshwaretse ka Jesu Kreste.

Jakobo 3:14

Empa ha ekaba le ena le mona o bohloko le kgang ka dipelong tsa lona, le se ke la ithorisa, mme le se ke la etsa leshano, ka ho sitelwa nnete.

Jakobo 4:1

Dintwa le diphapang tse hara lona di tswa kae? Na ha di tswe ditakatsong tsa lona tse lwanang dithong tsa lona na?