Diproverbia 20:20 - Sesotho 1909/1961 (SO)

²⁰ Ya rohakang ntatae le mmae, lebone la hae le tla tima lefifing.

BIBELE

²⁰ Haeba motho a rohaka ntatae kapa mmae, bone la hae le tla tingwa hoja ho le lefifi.

Diproverbia 20:20 ပူးပေါင်းရင်းမြစ်များ

Jobo 18:18

O lelekwa leseding, a ye lefifing; o tloswa lefatsheng.

Eksoda 20:12

Hlonepha ntatao le mmao, matsatsi a hao a tle a eketsehe lefatsheng leo o le newang ke Jehova, Modimo wa hao.

Eksoda 21:17

Ya rohakang ntatae, kapa mmae, a bolawe.

Diproverbia 13:9

Lesedi la ba lokileng ke thabo; empa lebone la ba babe le a tima.

Diproverbia 20:21

Lefa ha le le manyala ho qaleng, le ke ke la hlohonolofatswa qetellong.

Diproverbia 24:20

hobane ha ho moputso o boloketsweng batho ba sa lokang, mme lebone la ba babe le tla tima.

Diproverbia 30:11

O teng moloko o mong o rohakang ntata wona, o sa hlohonolofatseng le mma wona.

Diproverbia 30:17

Leihlo la motho ya somang ntatae, ya nyedisang thuto ya mmae, makgwaba a molapo a tla le honya, madinyane a ntsu a le je.

Levitike 20:9

Mang le mang ya rohakang ntatae, leha e le mmae, o tla bolawa; o rohakile ntatae le mmae: madi a hae a tla ba hodima hae.

Mattheu 15:4

Hobane Modimo o laetse, wa re: Hlonepha ntatao le mmao. Hape ho itswe: Ya rohakang ntatae, leha e le mmae, a bolawe.

Mattheu 22:13

Yaba morena o re ho bahlanka: Mmofeng maoto le matsoho, le mo nke, mme le mo lahlele lefifing le kantle, moo dillo di tla ba teng le ditsikitlano tsa meno.

Mattheu 25:8

Mawatla a re ho ba bohlale: Le re qhatsetse ole, hobane dilampi tsa rona di a tima.

Deuteronoma 27:16

Ho rohakwe ya nyedisang ntatae, kapa mmae! Mme setjhaba sohle se tla re: Amen!

Yuda 1:13

ke maqhubu a hlanyang a lewatle, a akgelang mafilo a ditshila tsa wona mane le mane; ke dinaledi tse kgerang, tse lokiseditsweng botsho ba lefifi la bo sa feleng.