Diproverbia 19:7 - Sesotho 1909/1961 (SO)

⁷ Mofutsana, banababo bohle ba mo hloya, thaka tsa hae di tla fetisa hakakang ka ho mo ila! Ere a sa bua, ba se ba mo hasanela.

BIBELE

⁷ Mofutsana o hlouwa le ke ba habo, metswalle ya hae yona e mo kgesa hakaakang! Leha a re o ipiletsa ho bona, ha ho moo a ba bonang teng.

Diproverbia 19:7 ပူးပေါင်းရင်းမြစ်များ

Dipesaleme 38:11

Metswalle ya ka le banabeso ba emetse thoko, ha ba bona leqeba la ka, le beso ba emetse hole.

Dipesaleme 38:12

Ba batlang bophelo ba ka ba tjheha maraba a bona, ba batlang tshenyeho ya ka ba bolela tsa ho senya, ba loha mano tsatsi lohle.

Dipesaleme 88:18

O suthiseditse hole le nna metswalle ya ka le dithaka tsa ka; tseo ke tsebanang le tsona ke nqalo tsa lefifi.

Dipesaleme 88:8

O suthiseditse hole le nna ba tsebanang le nna, o nkentse ntho e manyala ho bona; ke kwalletswe moo ho se nang ho tsuwa.

Diproverbia 10:15

Menono ya morui ke qhobosheane ya hae, empa bomadimabe ba mafutsana ke ho fumaneha ha wona.

Diproverbia 14:20

Mofutsana o ilwa le ke wa habo; empa metswalle ya morui e mengata.

Diproverbia 18:23

Mofutsana o bua a rapela, empa morui o araba ka thata.

Diproverbia 19:4

Ho rua ho hlahisa metswalle e mengata; empa mofutsana o ye a lahlwe le ke wa habo.

Diproverbia 21:13

Ya ithibang ditsebe hore a se ke a utlwa dillo tsa mosenyehi, o tla lla le yena, empa a ke ke a lemohuwa ke motho.

Diproverbia 27:10

O se ke wa furalla motswalle wa hao, leha e le motswalle wa ntatao; mme o lese ho ya ha ngwaneno mohla o leng tsietsing. Eo le ahisaneng hammoho le yena o feta ngwaneno ya leng hole.

Jakobo 2:6

Athe lona le nyedisitse mofumanehi! Na hase barui ba le hlorisang, ba le hulelang kgotla na?