Diproverbia 19:29 - Sesotho 1909/1961 (SO)

²⁹ Dikotlo di beetswe basomi, dithupa di boloketswe mekokotlo ya mawatla.

BIBELE

²⁹ Basomi ba emetswe ke kahlolo, mekokotlo ya dithoto yona e emetswe ke phafa.

Diproverbia 19:29 ပူးပေါင်းရင်းမြစ်များ

2 Marena 2:24

Yena a reteleha, a ba sheba, a ba rohaka ka lebitso la Jehova. Yaba ho tswa dibere tse pedi tse tshehadi morung, tsa harola bana ba mashome a mane a metso e mmedi.

Dipesaleme 1:1

Ho lehlohonolo motho ya sa lateleng keletso ya bakgopo, ya sa emeng tseleng ya baetsadibe, ya sa duleng mokgatlong wa basomi;

Diproverbia 1:22

bo re: Helang, lona dithoto, le tla rata bothoto ho le hokae na? Ho tla nne ho be hokae na basomi ba thabelang ho soma, mme mahlanya a hloya tsebo na?

Diproverbia 1:26

le nna ke tla tsheha ditsietsi tsa lona, ke some mohla le hlahelwang ke matsoso,

Diproverbia 10:13

Bohlale bo fumanwa molomong wa motho ya masene, empa thupa e mokokotlong wa ya sa utlweng.

Diproverbia 17:10

Motho ya kelello o utlwa kgalemelo, ho feta lehlanya ha le shapuwa ha lekgolo.

Diproverbia 18:6

Melomo ya sethoto e se kenya diphapang, leleme la sona le mema melamu.

Diproverbia 26:3

Pere e lokelwa ke phafa, le esele ke tomo; mokokotlo wa lehlanya le wona o lokelwa ke thupa.

Diproverbia 3:34

Basomi o ba soma ruri, empa o hauhela ba ikokobetsang.

Diproverbia 7:22

Yaba mohlankana eo o mo latela ka bonolo jwaloka kgomo e buswang lekaba, leha e le kgama e tlolelang lemeneng, mme e hlajwa sebete ka teng ke lerumo;

Diproverbia 9:12

Ha o hlalefile, ke wena o tla thuswa ke hlalefo ya hao; empa ha o le mosomi, ke wena o nnotshi o tla senyehelwa.

Isaia 28:22

Mme jwale, le se ke la nna la soma, mahlaahlela a lona a tle a se ke a tiiswa; hobane ke utlwile ho Morena, Jehova wa makgotla, hore tshenyeho ya lefatshe lohle e rerilwe.

Isaia 29:20

Hobane mohlorisi ha a sa tla ba teng, mosomi le yena o tla be a fedile, le batho bohle ba fadimehelang ho etsa bobe ba tla be ba tlositswe,

Deuteronoma 25:2

Ya molato ha a tshwanelwa ke ho shapuwa, moahlodi o tla laela hore a paqamiswe fatshe, mme a shapuwe pontsheng ya hae ka ditjhapo tse tshwanelang molato wa hae.

BaHebheru 12:6

hobane Morena o ye e laye eo a mo ratang, mme a shape mora e mong le e mong eo a mo amohelang.