Diproverbia 19:16 - Sesotho 1909/1961 (SO)

¹⁶ Ya bolokang molao o boloka moya wa hae, empa ya sa hlokomeleng tsela ya hae o tla timela.

BIBELE

¹⁶ Ya bolokang ditaelo o baballa bophelo ba hae, ya sa hlokomeleng metsamao ya hae o tla shwa.

Diproverbia 19:16 ပူးပေါင်းရင်းမြစ်များ

Jobo 5:2

Athe bohale bo bolaya lehlanya, mme lewatla le bolawa ke mona.

Dipesaleme 103:18

e leng ba bolokang selekane sa hae, ba elellwang ditaelo tsa hae ho di phetha.

Diproverbia 13:13

Ya nyedisang lentswe o a itahla; empa ya tshabang molao o tla putswa.

Diproverbia 15:32

Ya hanang tayo o nyedisa moya wa hae; empa ya mamelang kgalemelo o rua bohlale.

Diproverbia 16:17

Mmila wa ba lokileng ke ho nena bobe, ya elang metsamao ya hae hloko o boloka moya wa hae.

Diproverbia 21:16

Motho ya kgelohang tsela ya hlalefo o tla fella sebokeng sa bafu.

Diproverbia 21:23

Ya ipolokang molomo le leleme o tshabisa moya wa hae mahlomola.

Diproverbia 22:5

Meutlwa le difi di ka tseleng ya motho ya kgopo; ya itisang moya o tla di sesefa.

Diproverbia 29:18

Tshenolo ha e le siyo, ha ho molao setjhabeng; empa ya bolokang molao, o lehlohonolo hakakang!

Diproverbia 3:1

Mora wa ka, o se ke wa lebala thuto tsa ka, pelo ya hao e ke e boloke dikeletso tsa me;

Moeklesia 12:13

Bofello ba taba tseo kaofela ke jona: Tshaba Modimo, o boloke ditaelo tsa wona, hobane, ke yona tshwanelo yohle ya motho;

Moeklesia 8:5

Ya bolokang taelo a ke ke a bona tsietsi; mme pelo ya ya bohlale e tla tseba nako le kahlolo.

Jeremia 7:23

Empa ke yona taba eo ke ba laetseng yona, ka re: Le nne le mamele lentswe la ka, mme ke tla ba Modimo wa lona, lona le be setjhaba sa ka, le tsamaye mehlaleng yohle eo ke le laelang yona, le tle le hlohonolofale.

Ezekiele 33:5

o utlwile modumo wa phala, mme ha a ka a hlokomela; madi a hae a be ho yena. Empa ha a hlokomela, o tla pholosa moya wa hae.

Mattheu 16:26

Hobane leha motho a ka rua lefatshe lohle, ha a timeletswe ke moya wa hae, ekaba o ruileng ka lona na? Kapa motho moya wa hae a ka o reka kang?

Luka 10:28

Jesu a re ho yena: O arabile hantle; etsa hoo, mme o tla phela.

Luka 11:28

A mpa a re: E, empa haholo ho lehlohonolo ba utlwang lentswe la Modimo, mme ba le boloka.

Johanne 14:15

Ekare ha le nthata, bolokang melao ya ka.

1 Bakorinthe 7:19

Lebollo hase letho, le boqai hase letho, empa eo e leng taba ke ho boloka melao ya Modimo.

1 Johanne 3:22

Mme seo re se kopang, leha e le sefe le sefe, re se newa ke wona; hobane re boloka ditaelo tsa wona, mme re etsa tse leng ntle pela wona.

1 Johanne 5:3

Hobane ho rata Modimo, ke ha re boloka ditaelo tsa wona, mme ditaelo tsa wona ha di boima.

Tshenolo 22:14

Ho lehlohonolo ba hlatswang diaparo tsa bona, ba tle ba lokele ho ja sefate sa bophelo, mme ba kene motseng ka menyako ya wona.