Diproverbia 17:24 - Sesotho 1909/1961 (SO)

²⁴ Ya kelello o qamakisisa bohlale pela hae, empa mahlo a lehlanya a tjhalakela pheletsong tsa lefatshe.

BIBELE

²⁴ Bohlale bo mahlong a ya masene, mahlo a sethoto wona a thalatsa kahohle.

Diproverbia 17:24 ပူးပေါင်းရင်းမြစ်များ

Dipesaleme 119:37

O furallise mahlo a ka tadimong ya lefeela, o ntlhabollele ditseleng tsa hao.

Diproverbia 14:6

Monyefodi o batla bohlale, empa ha a bo fumane; athe tsebo e fumanwa ka bonolo ke ya masene.

Diproverbia 15:14

Pelo ya motho ya masene e sela tsebo; empa molomo wa mawatla o ikgorisa bosawana.

Diproverbia 17:25

Ngwana ya se nang taba o tena ntatae, mme o babisa ya mmelehileng.

Diproverbia 23:5

O le tadimelang, haele moo le tla feta kapele? Le tla mela mapheo ruri, le rurele hodimo jwaloka ntsu.

Moeklesia 2:14

Ya bohlale o na le mahlo a hae hloohong, athe lewatla le tsamaya lefifing; leha ho le jwalo, ke lemohile hoba bohle hammoho ba hlahelwa ke tsietsi e tshwanang.

Moeklesia 6:9

Se bonwang ka mahlo se molemo ho ena le se labalabelwang ke pelo. Hoo le hona ke lefeela le mosebetsi o nyopileng.

Moeklesia 8:1

Ya lekanang le ya bohlale ke mang? Mme ke mang ya ka tsebang ho hlalosetsa taba na? Bohlale ba motho bo edisa sefahlelo sa hae, mme bo fetola bothata ba sefahlelo sa hae.

Johanne 7:17

Ekare ha motho a rata ho etsa thato ya hae, o tla tseba thuto hore na e tswa ho Modimo, kapa ke bua ke iqalla tsa ka.

1 Johanne 2:16

Hobane tsohle tse lefatsheng, takatso ya nama, le takatso ya mahlo, le boikgantsho jwa bophelo, ha di tswe ho Ntate, empa di tswa lefatsheng.