Diproverbia 17:14 - Sesotho 1909/1961 (SO)

¹⁴ Ho qala phapang ke ho phunya metsi; ka baka leo, kgang ha e eso ho hotele, o e tlohele.

BIBELE

¹⁴ Qabang e qala jwaloka metsi a faposwa mosele, wena e kwekwetle e eso ka e kekela.

Diproverbia 17:14 ပူးပေါင်းရင်းမြစ်များ

2 Samuele 19:41

Jwale, banna bohle ba Iseraele ba tla ho morena, ba re ho morena: Na banna ba Juda, bao e leng banababo rona, ba o utsweditseng ho rona, ba bile ba tshedisitse morena le ba ntlo ya hae, le banna bohle ba Davida Jordane?

2 Dikronike 13:17

Abija le batho ba hae ba ba bolaya jwalo ka polao e kgolo, ha ba ha wa ho Baiseraele batho ba kgethilweng ba dikete tse makgolo a mahlano.

2 Dikronike 28:6

hobane Peka, mora Remalia, o kile a bolaya Bajuda ba dikete tse lekgolo le nang le mashome a mabedi ka tsatsi le le leng, e le banna ba bahale kaofela, e le kahobane ba ne ba furaletse Jehova, Modimo wa bontata bona.

Diproverbia 13:10

Boikgohomoso bo hlahisa phapang feela; empa bohlale bo ho ba mamelang keletso.

Diproverbia 14:29

Ya diehang ho halefa o na le kelello e kgolo; empa ya pelo e befang kapele o hlahatsa bothoto.

Diproverbia 15:1

Karabo e bonolo e thethefatsa bohale empa polelo e hlabang ea bo leotsa.

Diproverbia 16:32

Ya diehang ho halefa o fetisa mohale; ya hlolang pelo ya hae o fetisa ya hapang metse.

Diproverbia 17:19

Ya ratang komang o rata tshenyeho; ya hodisang monyako wa hae o batla dithako.

Diproverbia 19:11

Maele a motho a mo etsa ya sebete; kganya ya hae ke ho mamella ho sitelwa ke ba bang.

Diproverbia 20:3

Ke thoriso ho motho ho intsha tsekong; empa lehlanya le phehella ho yona.

Diproverbia 25:8

O se ke wa phaka wa ya nyeweng, esere mohlomong qetellong wa kena tsietsing, ha o se o hlotswe ke wa heno.

Diproverbia 26:21

Mashala a matsho a etsa mashala a hlenneng, patsi e hotetsa mollo; ho jwalo motho ya dikomang, o tukisa dikgang.

Diproverbia 29:22

Motho ya bohale o butswela dikgang; ya phakisang ho halefa, dibe tsa hae di ba ngata.

Baroma 12:18

Ha ho ka etswa, mme ha e le ka lona, le dule ka kgotso le batho bohle.

1 BaThesalonika 4:11

Mme le tiise matla ho dula ka kgotso; le itshebelletse tsa lona, mme le sebetse ka matsoho a lona, jwalokaha re le laetse;