Diproverbia 17:11 - Sesotho 1909/1961 (SO)

¹¹ Ya lonya o pheheletse boikgantsho feela, empa o tla romelwa lenqosa le lonya.

BIBELE

¹¹ Motho ya kgopo o thabela meferefere, ya jwalo o romellwa leqosa, leqosa le sehloho.

Diproverbia 17:11 ပူးပေါင်းရင်းမြစ်များ

2 Samuele 15:12

Absalome a romela le ho bitsa Akitofele Mogilone, moeletsi wa Davida, Gilo, motseng wa habo, nakong eo a neng a hlaba mahlabelo. Morero wa ba kwenehetseng morena wa tiya, le batho ba tlang ho Absalome ba nna ba eketseha.

2 Samuele 18:15

Bahlankana ba leshome, mahlahana a Joabe, ba teela Absalome hare, ba mo hlaba, ba mmolaisa.

2 Samuele 18:19

Yaba Akimaatse, mora Tsadoke, o re: A nke ke mathe, ke isetse morena taba e molemo ya hore Jehova o mo pheteleditse ho dira tsa hae.

2 Samuele 20:1

Bakeng sena, ha hlaha monna wa Beliale, bitso la hae e le Sheba, mora Bikri, monna wa Benjamine; a letsa terompeta, a re: Ha re na kabelo ho Davida, hape ha re na lefa ho mora Jese; oho Iseraele, e mong le e mong a boele tenteng ya hae.

2 Samuele 20:22

Jwale, mosadi a ya ka bohlale boo ba hae ho setjhaba sohle; ba ba ba kgaola Sheba, mora Bikri, hlooho, ba e akgella Joabe. A letsa terompeta, mme banna ba hae ba tloha pela motse, e mong le e mong a ipoella hae tenteng ya hae, Joabe yena a kgutlela ho morena Jerusalema.

1 Marena 2:31

Morena a re ho yena: Etsa kamoo a boletseng kateng, o mmolaye, o mo epele; etlaba o tlositse ho nna le tlung ya ntate madi a se nang molato a tsholotsweng ke Joabe.

1 Marena 2:46

Yaba morena o laela Benaia, mora Jehojada; a ya, a bolaya Shimei, a shwa.

Diproverbia 17:10

Motho ya kelello o utlwa kgalemelo, ho feta lehlanya ha le shapuwa ha lekgolo.

Diproverbia 17:12

Ho molemo ho kgahlana le tau e nketsweng bana, ho fetisa ho kgahlana le lehlanya bohlanyeng ba lona.

Diproverbia 24:21

Ngwana ka, tshaba Jehova le morena, o se ke wa itlwaetsa babelaedi;

Mattheu 21:41

Ba re ho yena: O tla timetsa ba babe bao hampe, mme tshimo ya hae ya merara o tla e laeletsa balemi basele, ba tla mo nea ditholwana nakong ya tsona.

Mattheu 22:7

Morena, ha a utlwa taba tseo, a halefa; a roma makgotla a hae, a timetsa babolai bao, a tjhesa le motse wa bona.

Luka 19:27

Haele dira tseo, tse sa kang tsa rata hoba ke di buse, di tliseng mona, le di bolaye pela ka.