Diproverbia 16:9 - Sesotho 1909/1961 (SO)

⁹ Pelo ya motho e itherela tsela, empa ke Jehova ya tsamaisang maoto.

BIBELE

⁹ Motho o itherela tsela ya hae, empa ke Morena ya mo tataisang.

Diproverbia 16:9 ပူးပေါင်းရင်းမြစ်များ

2 Dikronike 22:7

Ka morero wa Modimo, ketelo ya Akasia ha a etela Jorame ya etswa lebaka la timelo ya hae. Eitse hobane a fihle, ba tswela le Jorame ho ya kgahlanyetsa Jehu, mora Nimshi, eo Jehova a neng a mo tlotsitse hore a timetse ntlo ya Akabe.

Dipesaleme 37:23

Jehova o tiisa metsamao ya ya lokileng, o kgahliswa ke tsela ya hae;

Diproverbia 16:1

Merero ya pelo ke ya motho; haele ho bua he leleme, ho taelong ya Jehova.

Diproverbia 16:8

Leruo le lenyenyane le nang le ho loka, le molemo ho feta menono e mengata e nang le bokgopo.

Diproverbia 19:21

Mehopolo e mengata ka pelong ya motho, empa morero wa Jehova ke wona o tiyang.

Diproverbia 20:24

Maoto a motho a laelwa ke Jehova; ha ho le jwalo, ke mang motho ya ka utlwisisang tsela ya hae?

Diproverbia 21:1

Pelo ya morena e letsohong la Jehova, o e lebisetsa hohle moo a ratang teng, jwaloka melatswana ya metsi.

Diproverbia 21:30

Ha ho bohlale, ha ho kelello, ha ho le morero o ka lwantshang Jehova.

Isaia 46:10

Ke nna, haesale ho hlaheng, ke bolelang tse tlang ho tla, le kgale ke boletse tse esong ho hlahe. Ke re: Morero wa ka o tla tiya, ke tla phetha thato ya ka kaofela.

Jeremia 10:23

Oho! Jehova, ke a tseba hobane tsela ya motho ha e matleng a hae, mme motho ya tsamayang a ke ke a lokisa dika tsa hae.

1 Samuele 9:16

Hosasane, ha ho le jwalo, ke tla o romela monna ya tswang naheng ya Benjamine; o ke o mo tlotse, e be mong a setjhaba sa ka sa Iseraele; o tla namolela setjhaba sa ka matsohong a Bafilesta, etswe ke hopotse setjhaba sa ka, kahobane dillo tsa sona di fihlile ho nna.