Diproverbia 16:32 - Sesotho 1909/1961 (SO)

³² Ya diehang ho halefa o fetisa mohale; ya hlolang pelo ya hae o fetisa ya hapang metse.

BIBELE

³² Ya nang le mamello o molemo ho feta ya dikgoka, ya itshwarang ha a halefile o feta ya hapang motse.

Diproverbia 16:32 ပူးပေါင်းရင်းမြစ်များ

2 Marena 5:12

Ana Abana le Parpare, dinoka tsa Damaseka, ha di ntle ho feta metsi wohle a Iseraele na? Ana ke ne nke ke ka itlhatswa teng, ka hlweka na? A tloha ka tseo, a tsamaya a le bohale haholo.

Dipesaleme 103:8

Jehova o mohau, o lereko, o dieha ho halefa, o ruile mehauhelo e mengata.

Diproverbia 14:29

Ya diehang ho halefa o na le kelello e kgolo; empa ya pelo e befang kapele o hlahatsa bothoto.

Diproverbia 15:18

Motho ya bohale o hotetsa phapang; empa ya diehang ho hlonama o tima dikomang.

Diproverbia 16:19

Ho kokobetswa le ba banyenyane ho molemo ho ena le ho ja kgapo le baikgohomosi.

Diproverbia 16:31

Moriri o moputswa, ha o fumanwa tseleng ya ho loka, ke mokgabo wa hlompho.

Diproverbia 16:33

Lotho e pjatlanngwa kobong; empa se bolelwang ke yona se tsejwa ke Jehova feela.

Diproverbia 19:11

Maele a motho a mo etsa ya sebete; kganya ya hae ke ho mamella ho sitelwa ke ba bang.

Diproverbia 25:15

Morena o hlolwa ka sebete, mme leleme le bonolo le roba masapo.

Diproverbia 25:28

Motho ya hlolwang ke ho busa pelo ya hae, ke motse o kenweng ke dira, o se nang lerako.

Moeklesia 7:8

Qetello ya taba e nngwe e fetisa qalo ya yona. Pelo e telele e molemo ho ena le pelo e ikakasang.

Moeklesia 7:9

O se ke wa phaka wa halefa pelong ya hao, hobane kgalefo e ye e hanelle sefubeng sa mawatla.

Baroma 12:21

O se ke wa hlolwa ke bobe, o mpe o hlole bobe ka botle.

Baefese 5:1

Le fele le be baetsisi ba Modimo, kaha le le bana ba ratwang;

Jakobo 1:19

Tsebang tsena, banabeso ba ratwang: Motho ka mong a ke a be mafolofolo ho utlwa, a diehe ho bua, a diehe le ho halefa;

Tshenolo 3:21

Ya hlolang, ke tla mo fa ho dula le nna teroneng ya ka, jwalokaha le nna ke hlotse, mme ke dutse le Ntate teroneng ya hae.