Diproverbia 16:29 - Sesotho 1909/1961 (SO)

²⁹ Motho ya soro o hoka eo a tsamaisanang le yena, o mo hulela tseleng e sa lokang.

BIBELE

²⁹ Motho ya dikgoka o hohela ya ahisaneng le yena, a mo tsamaise tseleng tse sa lokang.

Diproverbia 16:29 ပူးပေါင်းရင်းမြစ်များ

Nehemia 6:13

Seo a neng a lefelwa sona, e ne e le hore ke tshabe, mme ke etse sebe ka ho etsa jwalo, ba tle ba fihlele seo ba ka senyang lebitso la ka ka sona, ka ho nketselletsa.

Diproverbia 11:9

Ka molomo wa hae monyefodi o bolaya ba habo, empa ba lokileng ba bolokwa ke tsebo.

Diproverbia 12:26

Ya lokileng ke motsamaisi wa bahabo; empa tsela ya ba babe e a ba lahla.

Diproverbia 16:28

Motho ya diteme o jala diphapang, mosebi o hlobohanya metswalle.

Diproverbia 16:30

Ya tutubalang mahlo o rera tshenyo, ya fupang melomo o sebetsa bobe.

Diproverbia 3:31

O se ke wa kgahlwa ke ho itshwantsha le motshwenyi, mekgweng ya hae o se ke wa inkela leha o le mong.

2 Petrose 3:17

Haele lona, baratuwa, ha le se le itsebetse tseo pele, itebeleng, le se tshohe le hulanngwa le ba bang ke thetso ya ba manyala bao, mme la timellwa ke ho tiya ha lona;

1 Samuele 19:11

Ebile Saule o romela manqosa tlung ya Davida, ho mo lalla, le ho mmolaya ka meso; empa mosadi wa hae, Mikale, a tsebisa Davida, a re: Ha o sa balehe bosiu, ka meso o tla bolawa.

1 Samuele 19:17

Saule a re ho Mikale: O nthetseditseng, ha o dumeletse sera sa ka sa baleha na? Mikale a re ho Saule: O itse ho nna: Ntese, ke ye; o re, ke o bolaeleng?